Nehemya 9:28 - MUKANDA WA MYIDI MUKULU

²⁸ Kadi bobu bamane kupatuka mu dikenga, ke kupinganabu ku malu mabi. Nanku, wewe kubalekela tshiakabidi mu bianza bia baluishi. Ke bobu kukubikila, wewe kubateleja mu diulu, kubasungidila misangu ne misangu, bu mudi dinanga diebe kadiyi ndekelu.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Kadi bakahetabo ditalala, bakenza malu mabi ku mesu kuebe kabidi; nunku wewe wakabashiya mu bianza bia bena lukuna babo bua kubakokeshabo; kadi hakakudimunabo mitshima ne hakadilabo kûdi, wewe wakabunvuila mu diulu; bua luse luebe lunene wewe wakabasungila misangu ya bungi,

Nehemya 9:28 Referans Kwoze

Balombodi 5:31

Maweja-Nangila, baluishi bebe bonsu, bafue muvua Sisra mushiye panu. Kadi balunda bebe bikale bu diba, patshididi dipatuka ne bukenka, ne nsese yadi yonsu! Ke muvua ditunga dianji kushala mu ditalala bidimu makumi anayi nanku.

1 Bakalenga 8:39

wewe Maweja-Nangila, mu diulu muudi usomba, wikale muteleje. Ubafuile luse. Wenzele muntu yonsu bilondeshile malu adiye wenza. Bualu udi mumanye muoyi wende. Bushuwa, wewe nkayebe udi mumanye muoyi wa muntu yonsu.

Balombodi 4:1

Ekude mumane kufua, bena Izrayele kuenza kabidi malu mabi awa Maweja-Nangila mubenge.

Balombodi 3:30

Kutuadija tshikondu atshi, bena Mowabe kushala ku bumfumu bua bena Izrayele. Ditunga kupeta ditalala bidimu makumi muanda mukulu.

Yeshaya 63:15

Maweja-Nangila nansha wewe musombe mu diulu, mu muaba webe muimpe wa tshijila, tangila bidi bituenzekela panu panshi. Dinanga diebe dikole, diuvua mutunange nadi didi penyi? Bukole buebe buuvua nabu mu mvita butshidiku anyi? Kuena kabidi musue kutufuila luse anyi? Maweja-Nangila kubengi kutuleja muudi utunanga.

Misambu 136:24

kutusungidilaye kudi bena lukuna betu, bualu dinanga diende ndia kashidi.

Balombodi 2:19

Kadi pavua mulombodi awu ufua, bena Izrayele bavua babenga tshiakabidi Maweja-Nangila, bipite too ne pa bankambua babu. Bavua anu batendelela mvidie ya bantu benyi, badiela panshi kumpala kuayi bua kuyitendelela. Kabavua balekela buenzayi buabu, nansha tshitunu tshiyuabu natshi.

Misambu 106:42

Baluishi babu kubakengesha, kubafuisha bundu.