Nehemya 3:3 - MUKANDA WA MYIDI MUKULU

³ Bena mu musoku wa Sena, kuibakululabu tshiibi tshia Minyinyi ya mu mayi. Bobu bamane kulamakaja mabaya a tshiibi, kuelabu bitupa bibidi bia tshiibi ku mbelu, kuasabu kabidi milonda ya kukanga nayi tshiibi.

Mukanda wa Nzambi Dihungila Dikulukulu ne Dihungila Dihia-dihia 2003

³ Bana ba Hasena bakasa luseke lua ku tshibi tshia minyinyi ya mu mai; bakajadika makunshi, bakateka bibi bialu ne milonda yabi ne biamu biabi.

Nehemya 3:3 Referans Kwoze

Nehemya 12:39

Tuetu kupitshila pa mutu pa tshiibi tshia Efrayime, ne pa tshiibi tshia Yeshana, ne pa tshiibi tshia Minyinyi ya mu mayi. Tuetu bamane kupita kaleya ka Ananeyele, ne kaleya ka Meya, tuetu kupitshila ku tshiibi tshia Mikoku bua kufika ku tshiibi tshia Balami.

2 Kulondolola 33:14

Malu onsu mamane kupita, Menashe kuibaka tshimana tshitumbuke ku mpenga kua Tshimenga tshia Davide. Tshimana atshi tshivua tshipitshila luseke ludi diba dibuelela lua mpokolu wa Ngikone, tshilonda tshibandabanda tshia Sedrone, tshinyungulula tshitupa tshia tshimenga tshia Ofele, tshiya too ne ku tshiibi tshia Minyinyi ya mu mayi. Uvua muteke balombodi ba bisumbu bia bena mvita mu bimenga bionsu bia bena Yuda bivuabu bakoleshe ne bimana.

Sefanya 1:10

Maweja-Nangila udi wamba ne: “Mu Yerushalayime dituku adi, nebumvue mbila mikole ku tshiibi tshia Mishipa, miadi mu Tshimenga Tshipiatshipia, mutoyi wa bungi pa mikuna.

Nehemya 2:8

Umpeshe mukanda mukuabu wa meme kupesha Ashafe, mulami wa metu a mukalenga, bua kumpeshaye mabaya makumbane a meme kuenza nawu biibi bianzubu wa balami ba nzubu wa Mvidi Mukulu, kuenza nawu kabidi bimana bia ku tshimenga, ne kuasa nawu nzubu wa meme kusomba. Mukalenga wa bakalenga kumpesha mikanda ayi, bualu Mvidi Mukulu wanyi uvua mungambuluishe.

Nehemya 7:1

Mudimu wa kuibaka tshimana tshia tshimenga mumane kujika, meme kuela biibi ku mushiku wa tshimenga. Balami ba biibi, bimbi ba misambu, ne bena Levi, kutuadija midimu yabu.

Nehemya 6:1

Sanebalate, Tobiya, Ngesheme, muena Arabe, ne baluishi betu bakuabu, kumvuabu ne: nkadi mumane kuibaka tshimana tshia Yerushalayime. Kakuena muaba munyanguke kabidi to. Tshikondu atshi, tshivua muanji kupingaja bitupa bia biibi pa muaba wabi to.

Nehemya 3:6

Yoyada, muana wa Pasheya, ne Meshulame, muana wa Beshodia, kulongololabu tshiibi tshia Yeshana. Bobu bamane kulamakaja mabaya a tshiibi, kuelabu bitupa bibidi bia tshiibi ku mbelu, kuasabu kabidi milonda ya kukanga nayi tshiibi.

Nehemya 3:4

Bantu bavua benza mudimu tshitupa tshikuabu bavua Meremote, muana wa Uriya, ne muikulu wa Akose; pashishe Meshulame, muana wa Berekya, ne muikulu wa Meshezabele; pashishe Sadoke, muana wa Baana;

Misambu 147:13

bualu udi mukulame, wenzela bana ba mu nzubu muebe bonsu bimpe.

Ezela 2:35

mu tshimenga tshia Sena, muvua bantu balume 3.630.

Nehemya 7:38

mu tshimenga tshia Sena muvua bantu 3.930.