Nehemya 2:13 - MUKANDA WA MYIDI MUKULU

¹³ Mundankulu, meme kumuka mu tshimenga, kupatukila ku tshiibi tshia ku Tshibandabanda. Meme kuya luseke lua ku mpokolu wa mayi a Mamba-muntu, ne ku tshiibi tshia ku Dyala. Meme kukenketa bimana bia tshimenga. Meme kujadika ne: bimana bivua biupuke miaba mivule, kabidi biibi bivua biosha ne kapia.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nakaluhuka butuku ku tshibi tshia ku luseke lua tshibanda, ku dina dia mai a mibuabua ku luseke lua diala, nakatangila lumbu lua Yelushalema luakadi lushimbuka hanshi ne bibi bialu biakadi bioshibua ne kahia.

Nehemya 2:13 Referans Kwoze

Nehemya 1:3

Kungambilabu ne: — Bantu bavua mu bupika. mbasombe mu ditunga dia bena Yuda. Kadi badi mu dikenga dinene. Kabidi bantu badi babapeja bikole. Bimana bia tshimenga tshia Yerushalayime mbiupuke miaba mivule. Biibi biatshi mbiosha ne kapia.

Nehemya 2:17

Nanku, mpindiewu meme kubambila ne: — Nudi bamone dikenga ditudi nadi: tshimenga tshia Yerushalayime ntshinyangakaja. Biibi biatshi mbiosha ne kapia! Tuyayi kuibakulula bimana bia Yerushalayime, bua tujikije bundu butudi nabu.

Nehemya 2:3

Ke meme kuambila mukalenga ne: — Mfumuanyi, ndi nkujingila diakalenga kashidi! Meme tshiena mua kuikala ne disanka to, bualu tshimenga tshidibu bajike bankambua banyi ntshinyangakaja, kabidi biibi biatshi mbiosha ne kapia.

2 Kulondolola 26:9

Uvua muibake tuleya tukole mu Yerushalayime pa mutu pa tshiibi tshia ku Ditumba, ne pa tshiibi tshia ku Tshibandabanda, too ne ku muaba uvua tshimana tshipite kumpala.

Nehemya 12:31

Meme Nehemya kulomba bamfumu ba bena Yuda bua babande pa tshimana tshia tshimenga. Meme kutapulula bena misambu mu bisumbu bibidi binene. Tshisumbu tshia kumpala tshivua tshiya ku dia balume, tshisemena pa tshimana, tshitangila ku tshiibi tshia Dyala.

Nehemya 2:15

Nanku, anu butuku abu, meme kuya ku kasulu ka mayi ka Sedrone, ngenda ntangila bimana bia tshimenga. Pashishe, meme kupingana mu tshimenga, kubuelela ku tshiibi tshia ku Tshibandabanda.

Yirmeya 5:10

Nentume baluishi bua kunyanga madimi abu a mvinyo adi pa mikuna. Kadi kabakunyangakaja madimi onsu to! Nebakose matamba adi kaayi anyi meme Maweja-Nangila!

Nehemya 2:12

Tshiena muambile muntu malu avua Mvidi Mukulu wanyi mungambile, bua kuenza mu tshimenga atshi. Pashishe meme kujuka butuku ne kasumbu ka bantu balume. Tshivua muye ne nyama mukuabu to, anu nyama wa mpunde umvua mbanda.