Nehemya 13:15 - MUKANDA WA MYIDI MUKULU

¹⁵ Matuku awu, meme kumona mu ditunga dia bena Yuda, bakama tumuma tua mvinyo dituku dia Dikisha. Bakuabu bavua bame pa nyama ya mpunde ntete ya kuenza bukula, maluvu a mvinyo, tumuma tua mvinyo, tumuma tua mfiku, ne bintu bikuabu, bua kuya nabi mu Yerushalayime. Meme kubabela, dituku divuabu bapana bintu biabu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Mu matuku au nakatangila Bena Yuda bakuabo bakame tumuma tua nvinyo dituku dia lumingu, basuike bisumbu bia blé, babiteke ha nyima ha nyama ya mpunda; bakadi balua ne nyinyo ne tumuma tukese ne nfigi ne bintu bikuabo ku Yelushalema dituku dia lumingu; meme nakabadimusha mu dituku diakadibo bahana bintu.

Nehemya 13:15 Referans Kwoze

Nehemya 10:31

Nanku, katuena basue kuselesha bana betu ba bakaji kudi bantu bavua bashale mu buloba buetu, patuvua mu bupika. Kabidi bana betu ba balume kabena mua kusela bakaji ba bantu aba to.

Nehemya 13:21

Meme kubatandisha, kubambila ne: — Nudi basombe ku mbelu ku bimana bia tshimenga bua tshinyi? Nuenu benza kabidi nanku, ndi nnuelesha mu lukanu. Kutuadija musangu awu, kabavua bafika kabidi dituku dia Dikisha.

Ekesode 34:21

“Nuenze mudimu anu matuku asambombu. Nuikishe dituku dia muanda mutekete, nansha mu tshikondu tshia kudima, nansha tshia kunowa biakudia.

Yeshaya 58:13

Maweja-Nangila udi wamba ne: “Panudi nulekela mudimu dituku dia Dikisha, nulekela kudienzela malu dituku dianyi dia tshijila, panudi nutangila dituku dia Dikisha bu dituku dia disanka, dia kungenzela mudimu, bu dituku dia kunnemeka, panudi nudinemekelamu bushiwa, nulekela mudimu, nubenga kudienzela malu, nubenga kuakula bia tshianana,

Yezekiyele 20:13

Kadi bena Izrayele bavua bantombokela mu tshipela. Bavua balengulula mikenji yanyi. Bavua bapepeja meyi anyi adi afikisha muntu udi walama ku muoyi. Bavua banyange bikole dituku dia Dikisha. Nanku meme kuela meji tshiakabidi a kubajikijila tshiji tshianyi mu tshipela bua kubabutula.

Yirmeya 17:27

Kadi nuenu kanuyi banteleje, nuenu balengulule dituku dianyi dia Dikisha, nuenu bapitshile ku biibi bia mu Yerushalayime dituku adi ne bujitu panyima, nengoshe tshimenga. Kapia nekabutule nzubu mimpe yonsu, kabayi mua kukajima.”

Yirmeya 17:24

“Meme Maweja-Nangila ndi ngamba ne: Nuenu bonsu nunteleje bimpe. Dituku dia Dikisha kanupitshidi ne bujitu ku biibi bia bimenga. Nunemeke dituku edi, dikale dianyi meme. Midimu yonsu ipumbe.

Dielulula 8:19

Nanku ndi nnuvuluija lelu ne: panudi nutendelela mvidie mikuabu, nuyenzela mudimu, kanuyi nuvuluka Maweja-Nangila, nenubutuke bonsu.

Ekesode 35:2

“Nuenze mudimu matuku asambombu. Kadi dituku dia muanda mutekete ndia Dikisha, bualu ndituku dia tshijila dia Maweja-Nangila. Muntu yonsu udi wenza mudimu dituku adi nebamushipe.

Nehemya 9:29

Pashishe, wewe kubabela bua bapingane kuudi. Kabavua bitabe mikenji yebe. Kadi bavua buwule ne ditambisha, babenga mikenji yebe ne meyi ebe. Badi batumikila meyi ebe ke badi bapeta muoyi. Kadi bobu kukutombokela, kubenga kukuteleja.

1 Tesalonike 4:6

Mu bualu ebu, muntu kadingi muntu nende, kamuenzedi bibi. Tukadi bamane kunuambilambila, banubele bikole ne: Mfumu neanyoke badi benza malu a nanku.

Efeze 4:17

Mu dina dia Mfumu, ndi nnuambila, nnujadikila se: kanuenji kabidi malu adi bantu badi kabayi bamanye Mvidi Mukulu benza, bualu badi balonda meji abu a patupu.

Ngalate 5:3

Ndi nnushindikila tshiakabidi ne: muntu yonsu udi wanyisha bua bamuteke panshi, udi ne bua kukumbaja mikenji yonsu nkong.

Bienzedi 20:21

Mvua ndomba bena Yuda ne bantu ba bisamba bikuabu, bua badilengeje, bapingane kudi Mvidi Mukulu, bitabe Mfumu wetu Yezu.

Bienzedi 2:40

Petro uvua ubasaka, ubakolesha ku muoyi, ubambila miaku mikuabu ya bungi ne: — Umbukayi kudi bena buenzayi ba lelu aba. Nanku nenupete lupandu!

Mika 6:3

Udi wamba ne: “Nuenu bantu banyi, mbubi kaayi bundi munuenzele? Ndi munutonde ku thinyi? Nungambile!

Yirmeya 42:19

Yirmeya kuamba kabidi ne: — Maweja-Nangila udi unukandika bua kanuyi mu Ejipitu, bualu nuenu nudi bantu ba ndekelu ba bena Yuda. Umvuayi bimpe bindi ngamba, nnujadikila lelu.

Misambu 50:7

— Tshisamba tshianyi, teleja, ndi nkuambila bualu. Izrayele, meme Mvidi Mukulu, Mvidi Mukulu webe, ndi nkufunda ku tshilumbu.

2 Kulondolola 24:19

Pashishe, Mvidi Mukulu kubatumina bambi bua bababele, bua bapingane kudiye. Kadi, muntu nansha umue kavua muteleje bambi abu to.

Nehemya 13:16

Kabidi bena Tire bavua basombe mu Yerushalayime, bavua bafike ne minyinyi ya mu mayi, ne biakudia bikuabu, bua kubisumbisha bena Yerushalayime ne bena Yuda dituku dia Dikisha.

Nsumuinu 28:4

Badi kabayi balonda mikenji ya Mvidi Mukulu badi batumbisha bantu babi. Kadi badi bayilonda badi badiwula bantu abu.

Amosa 8:5

Nudi nuebejangana ne: “Bibilu bia ngondu mupiamupia nebijike diba kaayi, bua tumone mua kupana tshiakabidi ntete yetu ya kuenza bukula! Dituku dia Dikisha ki ndijike anyi, bua tumone mua kukangula, biibi bia mayeba etu! Netukepeshe bipimu bia ntete, netubandishe mushinga. Netunyangakaje tshiamu tshia kupima natshi bua tumone mua kudinga bantu.”

Ekesode 31:12

Maweja-Nangila kuambila Moshe ne:

Ekesode 31:16

Nanku, bena Izrayele ne ndelanganyi yabu yonsu, bavuluke dituku dia Dikisha, bualu ke diumvuangana dietu nabu dia kashidi.

Nehemya 10:32

Dituku dia Dikisha, nansha dia tshibilu, pikala bantu aba basue kusumbisha ntete ya kuenza bukula, nansha bintu biabu bia mu madimi, katuena tubisumba to. Pashishe, netulekele kudima tshidimu tshia muanda mutekete, netulekelangane kabidi mabanza.

Yobe 39:12

Udi mua kutekemena kudiye bua apingane pa mbelu ne ntete ya kuenza bukula, bua afikishe biudi unowa mu mayeba ebe anyi?