Nehemya 12:47 - MUKANDA WA MYIDI MUKULU

⁴⁷ Mu matuku a Zerubabele, nansha a Nehemya, bena Izrayele bavua bafila dituku dionsu kudi bimbi ba misambu ne kudi balami ba biibi bintu bivuabu ne bua kufila. Bavua bapesha kabidi bena Levi milambu ya tshijila. Bena Levi pabu bavua bapesha batuangaji ndelanganyi ya Arone, bintu bivuabu ne bua kupeta.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁷ Mu matuku a Zelubabela ne Nehemiya Bena Isalele bonso bakafila bintu bua bimbi ba misambu ne bua batuadi bia ku dituku ne ku dituku; bakabanyangana ne Bena Lewi bintu biabo kabidi; Bena Lewi bakaha bana ba Alona tshituha tshia bintu biabo.

Nehemya 12:47 Referans Kwoze

Ngalate 6:6

Muntu udibu balongesha Lumu lua Disanka, udi ne bua kuabanyangana bintu biende ne udi umulongesha.

Nehemya 12:26

Bavua bakumbaja mudimu ewu mu tshikondu tshia Yoyakime, muana wa Yeshuwa, ne muikulu wa Yoshadake, ne mu tshikondu tshia Nehemya, mulombodi wa buloba, ne mu tshikondu tshia Ezra, mutuangaji mulongeshi wa mikenji.

Nehemya 12:12

Pavua Yoyakime muikale mutuangaji munene, bamfumu ba meku a batuangaji bavua: Meraya uvua ulombola diku dia Seraya, Ananiya uvua ulombola diku dia Irmeya,

Nehemya 12:1

Ke mena a batuangaji ne a bena Levi bavua bafume mu bupika pamue ne Zerubabele, muana wa Sheyaltiyele, kabidi pamue ne Yeshuwa: Zeraya, Irmeya, Ezra,

Nehemya 11:23

Bena misambu bavua balonda mikenji ya mukalenga, ivua ibafundila mudimu wa kuenza ku dituku ne ku dituku.

2 Bakalenga 7:10

Nanku, kupinganabu mu tshimenga, kubikila batentekedi bavua balame tshiibi tshinene, babambila ne: — Tuvua baye mu mitanda ya bena Siriya, katuena basanganamu muntu to. Kabidi katuena bumvue nansha diyi dia muntu. Tudi basangana anu nyama ya tubalu ne ya mpunde misuike. Tudi basangana kabidi ne ntenta ivuabu balekele.

2 Bakalenga 25:30

Dituku dionsu too ne mudi Yowakine ufua, mukalenga wa bena Babilone uvua anu umupesha biakudia bikumbane.

Dielulula 18:8

Muena Levi awu, neapete biakudia bungi budi bena Levi bakuabu bapeta. Udi mua kulama kabidi bintu bidi bena diku diabu bamutumina, padibu basumbisha bivuaye nabi.

Ezela 2:2

Bavua babalombola kudi Zerubabele, Yeshuwa, Nehemya, Seraya, Relaya, Mordekayi, Bilshane, Mispare, Bigvayi, Rekume ne Baana. Bungi bua bena Izrayele bavua bapingana, bilondeshile meku abu budi nenku: