Nehemya 12:36 - MUKANDA WA MYIDI MUKULU

³⁶ Zekarya uvua ne bana babu: Shemaya, Azarele, Milalayi, Ngilalayi, Mayi, Netaneyele, Yekuda ne Anani. Bavua ne biombelu bivua Davide muntu wa Mvidi Mukulu muenzeje. Nanku, Ezra mulongeshi wa mikenji, uvua mulombodi wa tshisumbu atshi.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ ne bana babo Shemaya ne Azalele ne Milalai ne Gilalai ne Mai ne Netanele ne Yuda ne Hanani bakabalonda ku nyima ne bintu bia kuimba nʼabi misambu bia Davidi muntu wa Nzambi; Ezela mufundi wakadi ku mpala kuabo.

Nehemya 12:36 Referans Kwoze

Nehemya 12:24

Bamfumu bonsu ba bena Levi: Ashabiya, Sherebiya ne Yeshuwa, muana wa Kadmiyele, bavua bimane ne bana babu mu bisumbu bibidi batangilangane, batumbisha Mvidi Mukulu, bamuele tuasakidila, bilondeshile mikenji ya Davide muntu wa Mvidi Mukulu.

2 Kulondolola 8:14

Shelomu uvua ukumbaja malu avua tatuende Davide muambe. Uvua uteka bisumbu bia batuangaji mu midimu yabu. Pashishe uvua uteka bena Levi bua bikale batumbisha Maweja-Nangila diba dionsu, nansha bambuluisha batuangaji mu mudimu wabu. Uvua muteke kabidi balami ba biibi. Tshiibi tshionsu tshikale ne tshisumbu tshia balami batshi. Ke muvua Davide, muntu wa Mvidi Mukulu, muambe nanku.

1 Kulondolola 23:5

Kusungulaye kabidi bantu binunu binayi bua bikale balama biibi, binunu binayi bikuabu bua bikale batumbisha Maweja-Nangila ne biombelu bivua Davide muenzeje bua kumutumbisha nabi.

Amosa 6:5

Nudi nusaka misambu ne diyi dikole, nuyimba ne lunzenze. Nudi nuidikija Davide, nudienzela biombelu bipiabipia.

Ezela 8:1

Bilondeshile mikanda idi ne mena a bankambua, ke mena a bamfumu ba meku bandi meme Ezra mufume nabu ku Babilone, mufike nabu mu Yerushalayime mu matuku a bukalenga bua mukalenga munene Artashasta.

Ezela 7:1

Pashishe, mu matuku a bukalenga bua Artashasta, mukalenga munene wa bena Persa, Ezra uvua utumina ku Babilone. Ezra uvua muana wa Seraya, Seraya uvua muana wa Azarya, Azarya uvua muana wa Ilkiya,

Dibadika 1:8

mu tshia Isakare: Netaneyele, muana wa Shuware;

Nehemya 12:35

Pashishe, bavua balonda kudi batuangaji bavua bambule mpungi. Kubalondabu kudi Zekarya, muana wa Yonatane, Yonatane uvua muana wa Shemaya, Shemaya uvua muana wa Mataniya, Mataniya uvua muana wa Mikaya, Mikaya uvua muana wa Zakure, Zakure uvua muana wa Ashafe.