Nehemya 12:24 - MUKANDA WA MYIDI MUKULU

²⁴ Bamfumu bonsu ba bena Levi: Ashabiya, Sherebiya ne Yeshuwa, muana wa Kadmiyele, bavua bimane ne bana babu mu bisumbu bibidi batangilangane, batumbisha Mvidi Mukulu, bamuele tuasakidila, bilondeshile mikenji ya Davide muntu wa Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Bena Lewi banene bakadi Hashebeya ne Shelebaya ne Yeshua, muana wa Kadamiele, ne bana babo bakadi nʼabo bua kutumbishabo ne bua kusakidilabo Nzambi bu muakadi mukenji wa Davidi, muntu wa Nzambi, muntu mu muaba wandi muntu mu muaba wandi.

Nehemya 12:24 Referans Kwoze

Nehemya 11:17

Muvua kabidi: Mataniya, muana wa Mika, Mika uvua muana awa Zabdi, Zabdi uvua muana wa Ashafe. Mataniya ke uvua utuma misambu mu nzubu wa Mvidi Mukulu diba dia kutendelela. Muanabu Bakbukiya ke uvua tshindonda tshiende. Abda uvua muana wa Shamuwa, Shamuwa uvua muana wa Ngalate, Ngalate uvua muana wa Yedutune.

Nehemya 9:4

Pa tshibumba tshivuabu balongoluela bena Levi, kubandulukabu kudi Yeshuwa, Bani, Kadmiyele, Shebanya, Buni, Sherebiya, Bani ne Kenani, bela mbila mikole, balomba diambuluisha kudi Maweja-Nangila Mvidi Mukulu wabu.

Nehemya 8:7

Kubandulukabu, bualu bavua batuadija kubalongesha kudi bena Levi aba: Yeshuwa, Bani, Sherebiya, Yamine, Akube, Shabetayi, Odya, Masheya, Kelita, Azariya, Yozabade, Anane ne Palaya.

Ezela 2:40

Tshisumbu tshia bena Levi tshivua nenku: mu diku dia Yeshuwa ne Kadmiyele, ndelanganyi ya Odavya, muvua bantu balume 74.

2 Kulondolola 8:14

Shelomu uvua ukumbaja malu avua tatuende Davide muambe. Uvua uteka bisumbu bia batuangaji mu midimu yabu. Pashishe uvua uteka bena Levi bua bikale batumbisha Maweja-Nangila diba dionsu, nansha bambuluisha batuangaji mu mudimu wabu. Uvua muteke kabidi balami ba biibi. Tshiibi tshionsu tshikale ne tshisumbu tshia balami batshi. Ke muvua Davide, muntu wa Mvidi Mukulu, muambe nanku.

1 Bakalenga 17:24

Mukaji kumuambila ne: — Mpindiewu ndi njadika ne: wewe udi muambi wa Mvidi Mukulu, kabidi ne: udi wakula mu dina dia Maweja-Nangila bulelela.

Yoshua 14:6

Dituku dikuabu, bena tshisamba tshia Yuda kumonangana ne Yoshuwa ku Ngilgale. Kalebe, muana wa Yefune, wa mu diku dia Kenaze, kuambila Yoshuwa ne: — Uvuluke muvua Maweja-Nangila muambile Moshe, muntu wende, bualu buebe ne buanyi ku Kadeshe-Barneya.

Dielulula 33:1

Moshe, muntu wa Mvidi Mukulu kayi muanji kufua, kuelaye bisamba dikumi ne bibidi bia Izrayele lupemba, wamba ne:

2 Timote 3:17

Ke mudi muntu wa Mvidi Mukulu mua kumanya bimpe mudimu udiye ne bua kukuata. Neikale kabidi ne bionsu bidiye ukengela bua kuenza nabi mudimu awu.

1 Timote 6:11

Kadi wewe, muntu wa Mvidi Mukulu, epuka ku bionsu abi. Enza tshidi Mvidi Mukulu musue, umulamate, ulonde amu njila wa ditaba, wa dinanga, wa lutulu ne wa bupole.

Nehemya 12:23

Mena a bamfumu ba meku a bena Levi bavua baafunda kabidi mu mukanda uvua ulondolola malu manene a bankambua too ne ku tshikondu tshia Yowanane, muikulu wa Eliyashibe.

Nehemya 12:36

Zekarya uvua ne bana babu: Shemaya, Azarele, Milalayi, Ngilalayi, Mayi, Netaneyele, Yekuda ne Anani. Bavua ne biombelu bivua Davide muntu wa Mvidi Mukulu muenzeje. Nanku, Ezra mulongeshi wa mikenji, uvua mulombodi wa tshisumbu atshi.

1 Kulondolola 16:4

Davide kusungula bena Levi bakuabu, kubateka kumpala kua mushete wa Maweja-Nangila, bua bimbe misambu mu luendu lua mazengu, batungunuke ne mudimu awu wa kutumbisha, kutendakena ne kusamuna Maweja-Nangila Mvidi Mukulu wa bena Izrayele.