Nahume 2:3 - MUKANDA WA MYIDI MUKULU

³ Bualu Maweja-Nangila ukadi upingajila ndelanganyi ya Yakobe diakalenga diabu. Udi upingajila bena Izrayele lumu luabu. Bualu Izrayele uvua bu budimi bua mvinyo, buvua bapawudi babutule, banyangakaje.

Mukanda wa Nzambi Dihungila Dikulukulu ne Dihungila Dihia-dihia 2003

³ Ngabu ya bena bukitu bandi idi mikunze-kunzû, bena bukitu badi bavuale bivualu bikunze. Makalu a mata adi akenka bu tshiamu tshidi tshibalakana dituku didibo balongolola malu a nvita. Badi bafuna bulobo ne mitshi ya cyprès.

Nahume 2:3 Referans Kwoze

Didimanyisha 12:3

Tshintu tshikuabu kumueneka mu diulu: ke nyoka mukunze munene wa tshidika, muikale ne mitu muanda mutekete, kabidi ne nsengu dikumi. Ku mutu onsu kuvua tshifulu tshia bukalenga.

Didimanyisha 6:4

Ke kabalu kakuabu kupatuka, kakunze. Uvua mubandepu, bavua bamupesha muele mutue, kabidi ne bumfumu bua kutangalaja mvita pa buloba, bua bantu bashipangane.

Zekâya 11:2

Mitshi ya siprese, asayi miadi. Mbakose mitshi ya sedre, mbabutule mitshi mimpe. Mitshi ya nsanga ya mu Bashane, tuayi mikemu, mbasole difu dienu, divua muntu kayi mua kubuela.

Zekâya 6:2

Ku ditempu dia kumpala bavua basuike tubalu tukunze, ku ditempu dibidi tubalu tufike,

Zekâya 1:8

Butuku ebu Maweja-Nangila kundeja muntu mubande pa kabalu kakunze. Muntu awu uvua munkatshi mua mitshi ya mirte, ivua muinshi mu tshibandabanda. Tubalu tukuabu tukunze, tua mubidi wa lubundubundu, ne tutoke, tuvua mu nyima muende.

Yeshaya 14:8

Nansha mitshi idi isanka, bua padi muena tshikisu ewu mubutuke. Mitshi ya siprese ne ya sedre ya mu Lebanone idi imuambila ne: “Katshia wafua, kakuena udi ufika, bua kutupuila panshi kabidi to.”

Yobe 39:23

Pambidi pa nyama wa kabalu, mikete idi itutakane mu tshibubu, misongolu ne mafuma bidi bibalakane.

Yezekiyele 23:24

Nebafumine ku mutu wa ditunga ne matempu a mvita, matempu makuabu a mishindu yonsu, ne tshiluilu tshinene tshia bena mvita. Nebikale ne ngabu, bamane kuvuala kabidi bifulu bia tshiamu. Nebakuele munkatshi. Nembumvuije tshilumbu tshiebe. Nebakulumbuluishe bilondeshile mikenji yabu.

Yezekiyele 26:7

“Meme Maweja-Nangila Mvidi Mukulu ndi ngamba kabidi ne: Wewe tshimenga tshia Tire, ndi nkutumina mukalenga Nebukadnesare wa bena Babilone udi mupite bakalenga bonsu ku bukole. Neafume ku mutu kua ditunga. Nealue kukuluisha ne nyama ya tubalu, matempu, babandi ba pa tubalu, kabidi ne bena mvita bakuabu ba bungi.

Nahume 3:2

Teleja: mfimbu idi idila, nkata ya matempu yenza mutoyi, nyama ya tubalu inyema, matempu a mvita ashiya tshiona.

Misambu 80:13

Udi mutule lupangu luawu bua tshinyi? Bonsu badi bapita mu njila badi baupopola, bapola tumuma tuawu,