Nahume 1:12 - MUKANDA WA MYIDI MUKULU

¹² Maweja-Nangila udi wambila bena Yuda ne: “Baluishi benu, nansha bikale ba bungi, bikale bilobu, nebabutuke, kakuyi kushala muntu. Mvua munukengeshe bikole, kadi tshiakunukengesha kabidi.

Mukanda wa Nzambi Dihungila Dikulukulu ne Dihungila Dihia-dihia 2003

¹² Yehowa udi wamba dî edi ne, nansha bikalabo ne bukole buabo buonso, nansha bikalabo ba bungi, nebatahibue, nebajimine. Nansha meme mukukengeshe, tshiena nkukengesha kabidi.

Nahume 1:12 Referans Kwoze

Yowele 2:19

Udi ubenzela bidibu bamulomba, ubalaya ne: “Nennutumine tshiakabidi ntete ya kuenza bukula, maluvu ne mafuta. Nenuhidie nukute! Tshiena nnufuisha kabidi bundu, munkatshi mua bisamba bia bende.

Didimanyisha 7:16

Kabakumvua kabidi nzala musangu nansha umue. Nyota kayakubasuma. Munya kawakubosha. Luya lukole kaluakubabuela.

Danyele 11:10

“Bana ba balume ba mukalenga wa mu ditunga dia ku mutu Mbadilongolole ku mvita. Nebasangishe bena mvita bapite bungi. Umue wa kudibu neaye ne bena mvita bende. Neasambuke mikalu ne lubilu bu lua musulu wa mayi udi upasalala. Pashishe papinganaye mu ditunga diende, nealuishe tshimenga tshia baluishi tshivuabu bakoleshe ne bimana.

Yeshaya 51:22

Maweja-Nangila, Mfumu webe, Mvidi Mukulu webe, udi usungidila bantu bende, ubambila ne: “Ndi ngangata dikopu dia tshiji tshianyi, dinuvua banue dinuenza tshinyingunyingu. Kanuakunuinamu kabidi to.

Yeshaya 37:36

Nanku, mutumibue wa Maweja-Nangila kuya mu mitanda ya bena Ashure. Kushipaye bantu binunu lukama ne makumi muanda mukulu ne bitanu. Butshia dinda, bantu bavua bashala ne muoyi babika, kumonabu bitalu bionsu abi.

Yeshaya 31:8

Muena Ashure neafue ku muele wa mvita, udi kauyi muenze kudi bantu. Muele wa mvita udi kauyi wa bantu, neumubutule. Bena Ashure nebanyeme muele wa mvita udi kauyi wa bantu. Bilobu bia mvita biabu, nebaye nabi mu bupika.

Yeshaya 30:19

Nuenu bena Siyone, badi basomba mu Yerushalayime, katshia kanuakudila kabidi to. Panuabikila Maweja-Nangila, neanuambuluishe ne muoyi wa kalolu. Yeye mumvue amu muadi wenu, neanuandamune.

Yeshaya 17:14

Dilolu bidi bitukuatshisha bowa bukole, kadi bangabanga ne kutshiabu, mbimane kuya! Ebi nebienzekele bantu badi batupawula bintu. Ebi nebienzekele bantu badi biba bintu bia mu ditunga dietu.

Yeshaya 8:8

Mayi a musulu awu, neabuele miaba yonsu mu ditunga dia bena Yuda. Neakuate bantu too ne mu nshingu. Misapa yawu neitangalake, ibuikile ditunga diebe dijima, Emanuwele.

Yeshaya 7:20

Dituku adi, Maweja-Nangila neanubeye nsuki, ne miosa ya pambidi ponsu, ne miedi, ne kapaya kadiye usomba, dia muamua dia musulu wa Perate. Kapaya kende aka, ke mukalenga wa bena Ashure.

2 Bakalenga 19:37

Dituku dikuabu, pavua Senakeribe utendelela mu nzubu wa mvidie wende Nisroke, bana bende ba balume babidi: Adrameleke ne Sareshere kumushipa. Pashishe, kunyemabu kuya mu ditunga dia Ararate. Muanende mukuabu, Asharadone, kumupingana mu bukalenga.

2 Bakalenga 19:35

Butuku, mutumibue wa Maweja-Nangila kuya mu mitanda ya bena Ashure. Kushipayemu bantu balume binunu lukama ne makumi muanda mukulu ne bitanu. Butshia dinda, bantu bavua bashala ne muoyi babika ku tulu kumonabu bitalu bionsu abi.

Ekesode 12:12

“Butuku abu, meme Maweja-Nangila nempitshile mu ditunga dia Ejipitu. Nenshipe bamuanabute bonsu ba bantu ne ba nyama. Kabidi nembutule mvidie idi bena Ejipitu batendelela.

Yeshaya 10:16

Nenku mfumu wa bamfumu, Maweja-Nangila muena bukole buonsu, neajimije bubanji budi bena Ashure nabu. Neoshe lumu luabu, ne bionsu bidibu nabi.