Nahume 1:10 - MUKANDA WA MYIDI MUKULU

¹⁰ Nansha bobu banua maluvu bakuatshika basuikakana pamue bu tshipuka tshia meba a mingonga, nebapie babutuke bu bisosa biume.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Badi bajingakane bu mingonge ya meba, badi bakuatshike maluvu abo, badi balue bu bisonsa biume

Nahume 1:10 Referans Kwoze

Mika 7:4

Bu mu mionji ya mpesa tshisumbu, kamuena bualu buimpe nansha bumue munkatshi muabu. Nansha muntu wa kudibu udi ubenga malu mabi, udi mubi mupite lupangu lua mingonga. Kadi dituku dia kununyoka, divua bambi benu banubela nadi, dikadi disemena pabuipi. Bowa mbumane kunukuata.

Nahume 3:11

Ne wewe kabidi Ninive, dikenga dinene nedikukuate, bu muntu mukuatshike maluvu. Neukebe muaba wa kusokoma, bua baluishi bebe kabakupetshi.

Yeshaya 9:18

Tshiji tshia Maweja-Nangila muena bukole buonsu, tshidi bu kapia kadi kosha ditunga. Bantu ba mu ditunga badi bapia bu nkunyi, muntu nansha umue kena utangila muanabu to.

Yeshaya 5:24

Nenku bantu aba nebabutuke, mudi kapia kuosha bisosa, mudi ndimi ya kapia ilakuka ku bisuku. Nebabutuke bonsu mudi miji ibola, mudi bilongu biuma, bipona panshi. Bualu bavua badiwule dilongesha, dia Maweja-Nangila muena bukole buonsu, babenge diyi dia Mvidi Mukulu wa tshijila wa bena Izrayele.

Yirmeya 51:57

“Nennuishe balombodi ba mu bukalenga buende, bena meji, bilobu, ne bamfumu bende, maluvu. Nebakuatshike. Nebalale bua kashidi, kabayi mua kujuka kabidi nansha.” Ke mudi mukalenga munene muambe! Dina diende mMaweja-Nangila wa bukole buonsu.

Yirmeya 51:39

Ndi nyilongoluela didia dinene, nenyinuishe maluvu ikuatshike. Neilale bua kashidi, kayena mua kujuka kabidi to. Meme Maweja-Nangila ndi ngamba nanku.

Yeshaya 27:4

Tshiena nabu kabidi tshiji to. Kadi pandi nsanganamu meba ne mingonga, nembiluishe kashidi. Nembikose, mbioshe mu kapia.

Misambu 68:2

Padi Mvidi Mukulu ujuka, uya ku mvita, baluishi bende badi batangalaka, bena lukuna bende badi bamunyema lubilu.

2 Samuele 13:28

Ke Absalome kutumina bena mudimu bende diyi ne: — Nutangile Amnone bikole. Pikalaye mumane kukuatshika maluvu, meme nennuambile ne: “Tapayi Amnone!” Nanku nenumutute, numushipe. Kanutshinyi to, meme ke udi munutume. Nuikale ne dikima, nuleje bukitu buenu!

1 Samuele 25:36

Abiyayile upingana ku nzubu, kusanganaye Nabale wenzeja tshibilu. Tshivua tshibilu tshinene bu tshia mukalenga. Nabale uvua ne disanka dia bungi, mumane kukuatshika maluvu bikole. Nanku Abiyayile kena mumuambile bualu nansha bumue too ne muakatshiabu.

Misambu 118:12

Bavua banduisha bu tshisumbu tshia mbulubulu, kadi kujiminabu bu mudi kapia kajima ku bisosa, meme kubipata ku diambuluisha dia Maweja-Nangila.

Yeshaya 47:14

Kapia nekaboshe bu bisosa. Ndimi ya kapia neibabutule. Kakakuikala kapia ka makala makese, kadibu mua kuosha diampa, nansha tshiota tshia nkunyi mikese, idibu mua kuota to!

Yeshaya 56:12

Badi bamba ne: “Luayi, tuye kukeba maluvu. Netunue maluvu makole, tukuatshike. Maloba netuenze kabidi mutudi tuenza lelu emu. Bualu maluvu adi mashale adi a bungi.”

Ekesode 5:12

Bena Izrayele kumuangalaka mu Ejipitu, benda badikebela bisosa.

Ekesode 15:7

Bukole buebe mbupite. Budi butshimuna badi bakubenga. Tshiji tshiebe tshidi tshibosha, bu mudi kapia kosha bisosa.