Muambi 9:1 - MUKANDA WA MYIDI MUKULU

¹ Nenku, meme kuela meji ku bionsu abi. Meme kujadika ne: bantu bakane ne bena meji badi mu tshianza tshia Mvidi Mukulu, kabidi ne bionsu bidibu benza. Bantu kabena nansha bamanye ne: mbabanange anyi mbabakine. Kabena mua kudianza kumanya bualu nansha bumue.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bualu bua nakateka malu â onso mu mutshima wanyi bua kuateta bu mudi bantu bakane ne bena meji ne midimu yabo bidi mu bianza bia Nzambi; bikalaku dinanga anyi lukuna, muntu kena mumanye; malu onso adi ku mpala kuabo.

Muambi 9:1 Referans Kwoze

Dielulula 33:3

Maweja-Nangila mmunange bisamba bia bena Izrayele. Udi ukuba bonsu badi bamuitaba, bimane ku makasa ende bua kumvua mibelu yende.

1 Petro 1:5

Nanku mmusue kunulama ne tshianza tshiende tshikole mu njila wa ditaba, bua nupete lupandu ludi ne bua kumueneka ku ndekelu wa bidimu.

Muambi 8:14

Kadi badi bamba nenku, badi bakula tshianana. Bualu misangu mivule, makenga awa ne bua kukuata bantu babi, atu akuata amu bantu bimpe. Imue misangu kabidi bantu babi badi bapeta masanka awa bantu bakane ne bua kupeta. Ndi njadika ne: ebi bionsu kabidi bidi tshianana.

Yobe 12:10

Amu yeye ke udi mulame mu tshianza tshiende, muoyi wa bifukibua. Mueyelu wa bantu mmufume kudiye.

2 Timote 1:12

Ke pandi ne bua kukenga nanku. Kadi tshiena nteketa mu maboku, bualu ndi mumanye undi mutekemene. Ndi mushindike ne: udi ne bukole bua kulama bimpe bivuaye mumpeshe, too ne ku dituku dia Tshilumbuluilu.

Yeshaya 26:12

Maweja-Nangila, neumpeshe tshionsu tshitudi tukengela. Bualu wewe ke udi mutuenzele bionsu bituvua bakumbaje.

Nsumuinu 16:3

Uteke midimu yebe mu bianza bia Maweja-Nangila, nanku nenkumbaje biuvua muele meji.

Misambu 31:5

Amu wewe udi undama, ungepule ku makondu adibu banteya.

1 Samuele 2:9

Maweja-Nangila udi mulame bantu badi bamunemeka. Kadi badi bamubenga nebafue mu midima. Bualu muntu kena mua kutshimuna ku bukole buende nkayende to.

Muambi 10:14

Muntu mupote udi wakula amu kuakula. Kadi muntu kena mumanye nansha kakese bidi ne bua kuenzeka kumpala kuetu eku. Wamuleja bienzeka panyima pende nnganyi?

Muambi 8:16

Mvua muenze muanyi muonsu bua kumanya mudi muntu mua kupeta meji. Mvua njooja kabidi midimu idi bantu bakuata pa buloba. Meme kumona ne: nansha tuetu bashale ne tshitabela munya ne butuku, katuena mua kumanya mudi Mvidi Mukulu upita ne malu onsu adi amueneka pa buloba to. Nansha tuetu bakeba bapungila, katuakumanya mudi Mvidi Mukulu ukuata mudimu. Muntu wa meji udi wamba ne: meme ndi mumanye, udi udidinga.

Muambi 7:25

Nenku meme kutuadija kulonga malu, meme kukeba mua kujingulula bidi panu. Mvua musue kujingulula tshidibu babikila meji. Mvua mukebe bua bandamune ku nkonku imvua nayi pa malu onsu adi enzeka! Meme kumona ne: kuikala muntu mubi, nansha mupote, mbupale.

Muambi 7:15

Ntshidi amu matuku makese panu. Mvua mumone ne bionsu bidi mua kuenzeka. Muntu udi mua kufua, nansha yeye muntu udi wenza tshidi Mvidi Mukulu musue. Muntu mubi udi mua kushala ne muoyi, nansha yeye muena buenzayi.

Muambi 1:17

Mvua nkeba mua kujingulula mudi malu mashilangane ne butatakane, mudi lungenyi lushilangane ne bupote. Kadi meme kumona ne: bionsu bindi ngenza bidi amu bu kuipatangana ne lupepele.

Misambu 73:3

Mvua mbaba bantu badi baditambisha, bavila Mvidi Mukulu, bualu badi bapeta dikasa dimpe mu malu abu onsu.

Misambu 10:14

Kadi wewe kuena mpofu! Udi umona dikenga ne disumpakana dia bapele! Udi amu ukeba kubambuluisha! Muena dikenga mmudilekelela kuudi! Wewe ke udi wambuluisha muana nshiya.

Yobe 5:8

Bu meme ne dikenga bu diebe, mvua kuya kudi Mvidi Mukulu, kumuambila muanyi mundi muonsu.

Misambu 119:109

Muoyi wanyi udi mu njiwu diba dionsu, kadi tshiena mpua mikenji yebe muoyi.

Muambi 9:6

Mbamane kujimina, dinanga diabu, nkinu yabu, ne mikawu yabu, mbijimine kabidi. Kabakubuelakana kabidi mu malu adi enzeka pa buloba to.

Yirmeya 43:6

ke balume, bakaji, bana, bana ba bakaji ba mukalenga, ne bantu bonsu bavua Nebuzaradane, mulombodi wa bena mvita balami mushile Ngedaliya, muana wa Akikame, muikulu wa Shafane. Bavua baye kabidi ne muambi Yirmeya ne Barake, muana wa Neriya.

Yobe 27:12

Nuenu bonsu, nuvua bajingulule mudi Mvidi Mukulu. Nanku nudi nuamba miaku ya patupu bua tshinyi?

Muambi 8:7

Kadi katuena bamanye bidi ne bua kuenzeka. Wakambila muapita malu nnganyi?