Muambi 2:3 - MUKANDA WA MYIDI MUKULU

³ Mvua mukebe masanka pa kunua maluvu, mvua muidikije bidi bantu bapote benza. Kadi meji avua ashala ne bumfumu mu muoyi wanyi. Mvua musue kujingulula ne: bantu badi mua kupeta diakalenga mene matuku adibu basomba panu anyi?

Mukanda wa Nzambi Dihungila Dikulukulu ne Dihungila Dihia-dihia 2003

³ Nakelangana meji mu mutshima wanyi bua kusankisha mubidi wanyi ne nvinyo, mutshima wanyi mutshikale undombola mu meji; nakateta malu a buhote bua kujingulula tshidi tshimpe bua ba ha buloba benze muinshi mua diulu matuku onso a muoyo waho.

Muambi 2:3 Referans Kwoze

Nsumuinu 20:1

Mvinyo udi ufikisha muntu ku matandu. Maluvu makole adi asaka muntu ku mutoyi. Muntu yonsu udi ubinua ukuatshika, kena ne meji.

Muambi 1:17

Mvua nkeba mua kujingulula mudi malu mashilangane ne butatakane, mudi lungenyi lushilangane ne bupote. Kadi meme kumona ne: bionsu bindi ngenza bidi amu bu kuipatangana ne lupepele.

Efeze 5:18

Kanukuatshiki maluvu. Bualu bunuavi budi bunufikisha anu ku buenzavi. Kadi ikalayi ne Mueyelu wa Tshijila munda muenu tente.

Muambi 12:13

Kadi nkomenu wa malu onsu atuvua bafunde udi nunku: Muntu yonsu udi ne bua kunemeka Mvidi Mukulu, kutumikila meyi ende.

Muambi 6:12

Muntu udi upita lubilu panu bu mundidimbi. Udi mumanye tshia nsongu tshidi muntu mua kuenza matuku makese adiye usomba panu nnganyi? Muntu nansha umue kena mua kumumanyisha kabidi bidi ne bua kuenzeka pa buloba, yeye mumane kufua.

Matayi 6:24

— Muntu nansha umue kena mua kuenzela bamfumu babidi mudimu to. Neanange umue, abenge mukuabu; nansha neitabe umue, adiule mukuabu. Kanuena mua kuenzela Mvidi Mukulu mudimu, kuenzela kabidi ne biuma musangu umue.

Muambi 7:25

Nenku meme kutuadija kulonga malu, meme kukeba mua kujingulula bidi panu. Mvua musue kujingulula tshidibu babikila meji. Mvua mukebe bua bandamune ku nkonku imvua nayi pa malu onsu adi enzeka! Meme kumona ne: kuikala muntu mubi, nansha mupote, mbupale.

Muambi 7:18

Mbimpe kulonda mibelu yonsu ibidi eyi, bualu muntu udi unemeka Mvidi Mukulu kena ne bua kukolesha malu bikole.

Muambi 2:24

Diakalenga dia bantu didi amu kudia, kunua ne kusanka ne bidibu bapeta ku mudimu wabu. Ndi mujadike ne: Mvidi Mukulu ke udi ubapesha diakalenga edi.

Yobe 14:14

Kadi muntu mumana kufua, udi mua kubika tshiakabidi anyi? Uvua amu mua kuikala ne lutulu mu matuku atshidiye ukuata mudimu panu, utekemena too ne paudi ufika, bua kunjula.

1 Samuele 25:36

Abiyayile upingana ku nzubu, kusanganaye Nabale wenzeja tshibilu. Tshivua tshibilu tshinene bu tshia mukalenga. Nabale uvua ne disanka dia bungi, mumane kukuatshika maluvu bikole. Nanku Abiyayile kena mumuambile bualu nansha bumue too ne muakatshiabu.

Genese 47:9

Yakobe kuandamuna ne: — Ndi muendakane eku ne eku bu muenyi, ne ntatu ne makenga, bidimu lukama ne makumi asatu. Kadi bidimu ebi mbikese, bualu kabiena bungi bua bidimu bia bankambua banyi bavua pabu bendakanyi to.

Balombodi 9:13

Kadi mutshi wa mvinyo kuandamuna ne: ‘Nudi nuela meji ne: ndi mua kulekela kupatula maluvu adi asankisha mvidie ne bantu, bua meme kuikala nditemba, nnyungakana ku mutu kua mitshi mikuabu anyi?’

Misambu 104:15

ne maluvu a mvinyo bua kubasankisha, ne mafuta bua kukenkesha mpala yabu, ne diampa bua kubapesha bukole.

Muambi 5:18

Misangu mikuabu Mvidi Mukulu udi upesha muntu biuma, umupesha kabidi ne diba dia mua kusanka nabi. Nanku muntu ewu ela amu Mvidi Mukulu tuasakidila bua padiye usanka ne bidiye mupete ku mudimu wende. Bualu bionsu abi ndipa dia kudi Mvidi Mukulu.

Muambi 8:15

Nanku ndi ngamba ne: mbimpe bantu basanke. Bualu diakalenga dia muntu panu ke kudia, kunua ne kusanka. Ke difutu dia mudimu wende matuku onsu adi Mvidi Mukulu mumuteke pa buloba.

Muambi 10:19

Bantu baneme badi badia bua kusanka. Badi basangulaka padibu banua maluvu. Kadi amu badi ne biuma ke badi mua kupeta bionsu bidibu bakengela.