Muambi 2:16 - MUKANDA WA MYIDI MUKULU

¹⁶ Bionsu bidi bienzeka, badi babipua muoyi lukasa. Muntu wa meji udi ufua, anu mudi mupote ufua. Kadi bonsu babidi nebabapue muoyi. Bionsu ebi bidi bienzeka nanku bua tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Kabena bavuluka nansha muena meji nansha muhote, bualu bua matuku alualua bubidi buabo nebabahue muoyo. Monai, muena meji ufuafua muomumue ne muhote!

Muambi 2:16 Referans Kwoze

Muambi 1:11

Kadi tudi tupua muoyi bivua bienzekela bankambua betu. Nenku bitudi tuenza mpindiewu, nansha bidi ndelanganyi yetu ne bua kuenza maloba, nebabipue muoyi kabidi amu lukasa.

Muambi 9:5

Bualu bantu ba muoyi mbamanye ne: netufue. Kadi bafue bobu ki mbamanye kalu nansha kamue. Bafue kabena bindila kantu, bualu bakadi babapue muoyi.

Misambu 88:12

Badi mua kuamba malu ebe ku bafue, nansha bulelela buebe ku musoku wa bafue anyi?

Ekesode 1:8

Mukalenga mupiamupia, uvua kayi mumanye Yozefe, kudia bukalenga mu Ejipitu.

Ebrewu 9:27

Muntu yonsu udi ne bua kufua musangu umue. Kunyima kua lufu, Mvidi Mukulu neamulumbuluishe.

Malaki 3:16

Pashishe bantu bonsu bavua banemeka Maweja-Nangila, kuelanganabu pabu meji. Maweja-Nangila uvua mubateleje, mumvue bivuabu bamba. Kufundabu mena a bonsu bavua bamutshina, bamunemeka mu mukanda, yeye mutangile.

Muambi 6:8

Panu apa muntu wa meji udi mushindu umue ne muntu mutshimbakane. Padi mupele mumanye mua kusomba panu nebunulengelele ku tshinyi?

Muambi 2:14

Bualu muntu wa meji udi mumanye kudiye uya. Kadi mupote udi wenda ububuta. Kadi ndi mumanye kabidi ne: bonsu babidi badi ne nshikidilu wa momumue.

Misambu 103:16

kadi padi lupepela lua luya lutshipitshila, tshidi tshifua tshijima, katshiyi tshimanyika muaba uvuatshi.

Misambu 49:10

Muntu udi mua kulala panu kashidi anyi? Neasokome lufu bua kamonu lukita anyi?

2 Samuele 3:33

Ke mukalenga Davide kuela kasala ka muadi, utumbisha Abnere, wamba ne: Abnere wanyi ee! Udi mufue lufu lua muntu mutshimbakane bua tshinyi?

Ekesode 1:6

Kadi Yozefe ne bana babu bonsu bavua Yakobe mubuele nabu mu Ejipitu kufuabu.

Muambi 2:15

Pandi meme ne nshikidilu wa momumue ne wa mupote, meji andi mumupite nawu adi angambuluishe ku tshinyi? Nanku meme kumona ne: ebi bionsu bidi tshianana.

Muambi 7:2

Mbimpe kubuela mu nzubu wa madilu pa mutu pa kubuela muaba udi bantu badia bondoloka. Bualu lufu nnshikidilu wa muntu yonsu. Nanku bidi bilenga bua muntu yonsu amanye, kabidi avuluke bualu ebu.

Muambi 8:10

Meme kumona bantu babi bavuabu bajika. Bantu babi abu bavua bayayaya pabu mu nzubu wa Mvidi Mukulu. Nanku bantu bakavua bamane kupua muoyi malu awa bantu babi aba benza mu tshimenga tshia Yerushalayime. Ebi bionsu kabidi bidi amu tshianana.

Muambi 9:15

Muntu mupele wa meji uvua usomba mu tshimenga amu. Yeye ke uvua mua kusungidila tshimenga ku meji ende. Kadi muntu nansha umue kavua uvuluka mupele awu to.

Nsumuinu 14:8

Muntu mudimuke udi mumanye tshidiye ne bua kuenza, bualu udi muena meji. Batshimbakane badi bapambuke bua bupale buabu.