Muambi 11:1 - MUKANDA WA MYIDI MUKULU

¹ Ela biudi nabi mu mayi manene. Bumue dituku dikuabu neubipete tshiakabidi.

Mukanda wa Nzambi Dihungila Dikulukulu ne Dihungila Dihia-dihia 2003

¹ Wele bidia biebe ha mutu ha mai, bualu bua neubisangane kabidi hahita matuku a bungi.

Muambi 11:1 Referans Kwoze

Muambi 11:6

Ke paudi mua kukuna dinda too ne dilolu kuyi wikisha. Bualu kuena mumanye kuwapetela tshintu, nansha ku mudimu wa dinda nansha wa dilolu, nansha ku yonsu ibidi.

Nsumuinu 19:17

Paudi upesha mupele tshintu, udi utshisombesha Maweja-Nangila. Yeye ke wakufuta mudimu webe wa luse.

Ebrewu 6:10

Mvidi Mukulu kena wenza bibi. Kena mua kupua binudi benze muoyi. Udi amu uvuluka dinanga dinuvua bamuleje ku midimu inuvua benzele bantu ba tshijila ne inutshidi nubenzela.

Matayi 10:42

Ndi nnujadikila bulelela ne: muntu udi upa umue wa ku bakese banyi aba nansha dikopu dia mayi matalale, bua padiye mulongi wanyi, kakubula difutu diende to.

2 Korente 9:6

Vulukayi ne: udi umiamina bikese, neanowe bikese; udi umiamina bia bungi, neanowe bia bungi.

Yeshaya 32:20

Kadi bantu ba Maweja-Nangila nebikale bena diakalenga. Nebakune biakudia biabu ne disanka, bualu mayi neikale mavule. Ngombe ne mpunde nebiendakane miaba yonsu kakuyi bualu, bua bungi bua biakudia bidi mu ditunga.

Luke 14:14

Nanku newikale ne diakalenga, bualu bobu kabena mua kukupingajilabi. Mvidi Mukulu neakupingajilebi diba didiye ubisha ku bafue bantu bavua benza malu mimpe.

Yeshaya 32:8

Kadi muntu wa kalolu, udi wela meji amu a kalolu, udi ukumbaja kabidi malu a kalolu.

Matayi 25:40

Mukalenga neabandamune ne: “Ndi nnujadikila bulelela ne: bilenga bionsu binuvua benzele umue wa ku bana betu bakese aba, ke meme unuvua babienzele.”

Nsumuinu 22:9

Muntu udi wenzelangana bimpe, Mvidi Mukulu neamuele lupemba, bualu tshiende tshiakudia udi wabanyangana ne bapele.

Nsumuinu 11:18

Difutu didi muntu mubi wangata didi dimudinga. Kadi udi wenza bidi Mvidi Mukulu musue kakupanga difutu diende.

Matayi 10:13

Pikala bena mu nzubu amu banuakidila bimpe, muoyi wenu wa bupole neushale kudibu. Kadi pikalabu babenga kunuakidila, muoyi wenu wa bupole Mupingane kunudi.

Lewitiki 19:25

Kadi biangatshile mu tshidimu tshitanu, nudi mua kutuadija kudia bimuma. Nuenu benze nanku, biakudia bienu nebivulangane. Bualu meme ndi Maweja-Nangila Mvidi Mukulu wenu.

Muambi 3:6

Kudi tshikondu tshia kukeba, ne tshikondu tshia kujimija; tshikondu tshia kulama ne tshia kuimansha,

Matayi 25:17

Uvua mupete nkanu nkama ibidi, kuenza kabidi momumue. Kupetaye minga nkama ibidi.