Muambi 10:5 - MUKANDA WA MYIDI MUKULU

⁵ Nenku kudi tshilema tshindi mumone pa buloba, tshidi bamfumu benza.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nakatangila bualu bubi muinshi mua diulu, budi bu dituhakana didi difuma kudi mukokeshi;

Muambi 10:5 Referans Kwoze

Muambi 5:13

Udi ujimija lupetu elu mu bualu bubi. Muana udiye ulela kena mua kupiana tshintu.

Muambi 9:3

Bantu bonsu badi mushindu umue. Ku ndekelu badi ne tshipeta amu tshimue. Bantu badi benza bibi, badi bajinga amu malu a butshimbakane. Kadi ku ndekelu kua bionsu nebafue.

Muambi 6:1

Mvua mumone kabidi dinga dikenga dipite bunene pa buloba, didi muntu kayi mua kumvua.

Muambi 4:7

Meme kumona kabidi bualu bukuabu panu, budi kabuyi bumvuika to:

Muambi 4:1

Meme kumona kabidi mudi bantu bakengeshangana mishindu yonsu pa buloba. Badibu bakengesha badi badila, kadi kakuena muntu nansha umue udi ubambuluisha! Badi babatatshisha ke badi ne bumfumu. Ke mudi muntu mukuabu nansha umue kayi mua kubambuluisha.

Muambi 3:16

Telejayi mundi mumone kabidi malu makuabu adi panu: bantu badi bakengeshangana muaba uvuabu mua kulongolola malu bimpe, kukosa nsambu pa yoyi.

Nsumuinu 28:12

Padi bantu badi batshina Mvidi Mukulu bikale ne bumfumu mu bianza, bantu bonsu badi ne disanka. Kadi padi bantu babi babuangata, bantu bonsu badi basokoma.

Muambi 10:4

Pikala mfumuebe mufike munda, kumbuki muaba uudi. Wewe mulame lutulu neakufuile luse bua bilema biebe biuvua muenze.

Muambi 10:6

Muntu mutshimbakane misangu mikuabu udi upeta muanzu munene. Kadi bena biuma badi bashala kabayi mianzu.

Nsumuinu 19:10

Muntu mutatakane katshia ki mmusombe mu bubanji. Mupika katshia ki mmutumine bamfumu diyi.