Muambi 1:16 - MUKANDA WA MYIDI MUKULU

¹⁶ Mvua muele meji ne: ndi mupete meji a bungi mupite bonsu bavua bandianjidila mu bukalenga mu Yerushalayime. Ndi mumanye malu a bungi, nansha amvua mulonge, nansha amvua mumvue ne anyi abidi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nakamba mu mutshima wanyi ne, Nakuheta lungenyi lua bungi, muhite bonso bakadi ku mpala kuanyi mu Yelushalema; bulelela, mutshima wanyi wakajingulula meji a bungi ne lungenyi lua bungi.

Muambi 1:16 Referans Kwoze

Muambi 2:9

Mvua mupete lumu lunene lupite lua bonsu bavua bandianjidile mu Yerushalayime. Kadi matuku onsu aa tshivua mujimije meji amvua nawu to.

Ebrewu 5:14

Kadi biakudia bikole mbifundile bantu bakole. Bobu bakadi bibidile kujingulula bidi bimpe ne bidi bibi mu malu amonamonabu.

Misambu 4:4

Numanye ne: Maweja-Nangila mmusungule muntu udi umulamata. Pandi mmubikila, udi unteleja.

2 Kulondolola 2:12

Nanku, mpindiewu ndi nkutumina Urame-Abi udi mumanye midimu bikole.

Danyele 4:30

Diakamue bualu ebu kuenzekabu. Kuipatabu Nebukadnesare munkatshi mua bantu. Kubangaye kudia bisosa, mudi ngombe idia. Mubidi wende kubola ne lumuma. Nsuki yende kulepa, bu masala a nyunyi ya tshiminyi. Nzadi yende kudiunda bu ya nyunyi.

Yirmeya 22:14

Udi wamba ne: “Ndi musue kuibaka nzubu munene wa bukalenga, muikale ne nzubu mialabale ya bilala kulu.” Udi uyibaka ne madidishi ku bimana. Udi ulamika mabaya a mitshi ya sedre ku bimana. Udi ulaba mukubu mukunze pa nzubu mujima.

Misambu 77:6

Ndi mvuluka matuku mapite, ndi ngela meji a bikondu bia kale, ndi ndala ngela meji butuku bujima. Ndi nganyina, nkeba mua kujingulula.

2 Bakalenga 5:20

Ngeyazi, muena mudimu wa muambi Elisha kuela meji ne: “Mfumuanyi Elisha mmubenge bintu bionsu bivuabu bamulambula kudi Namane, muena Siriya. Nanku, bu mudi Maweja-Nangila ne muoyi, ndi ndonda Namane bua kupeta bintu bikuabu bidiye nabi!”

1 Bakalenga 5:9

Mvidi Mukulu uvua mupeshe Shelomu meji mapite ne lungenyi lupite bungi. Malu avua Shelomu mumanye avua a bungi bu lusenga lua ku muelelu wa mayi manene.

Muambi 2:1

Meme kudiambila ne: “Tukebe masanka a mu bantu. Tumone mudi diakalenga.” Kadi bionsu ebi bidi amu patupu.

Muambi 2:15

Pandi meme ne nshikidilu wa momumue ne wa mupote, meji andi mumupite nawu adi angambuluishe ku tshinyi? Nanku meme kumona ne: ebi bionsu bidi tshianana.

Muambi 3:17

Mvua muele meji mu muoyi wanyi ne: Mvidi Mukulu nealumbuluishe muntu muimpe bu mudiye ulumbuluisha muntu mubi, bualu tshintu tshionsu tshidi tshienzeka tshikondu tshiatshi, kabidi malu onsu atudi tuenza Mvidi Mukulu mmuamone.