Muadi 1:2 - MUKANDA WA MYIDI MUKULU

² Yerushalayime udi udila utshisha butuku bujima, upuekesha binsonji pa matama. Ku bonsu bavua bamunanga, kamuena nansha umue utshidi umusamba. Balunda bende bonsu mbamubenge, bashale baluishi bende.

Mukanda wa Nzambi Dihungila Dikulukulu ne Dihungila Dihia-dihia 2003

² Yeye udi udila bikole bufuku, muikale ne binsonshi ku matama andi; kena ne muntu wa kumusamba munkatshi mua bonso bakadi bamunanga; balunda bandi bonso bakumutungila tshitungu; bakulua bena lukuna bandi.

Muadi 1:2 Referans Kwoze

Misambu 6:6

Meme mufue, tshiakukuvuluka kabidi to. Mu kandondu ka bafue wakutumbisha nnganyi?

Mika 7:5

Kanuitabi bena mutumba benu, kanutekemenyi balunda benu. Nudimuke panudi nuakula, nansha ku mesu kua mukajenu, udi ununanga.

Muadi 1:21

Bantu kumvua mikemu yanyi. Kakuena nansha umue udi unsamba. Baluishi banyi bonsu mbamane kumvua lumu lua dikenga dianyi. Badi ne disanka bua paudi unkengesha. Dituku diuvua muambe difike, bua bapete pabu dikenga bu dianyi!

Muadi 1:19

Mvua mubikile bavua bannange, bobu kunshiya nkayanyi. Batuangaji ne bafidi ba ngenyi banyi mbafue bonsu mu tshimenga, pavuabu bakeba biakudia bua kupeta bukole.

Muadi 1:9

Bubi buende mbumuenekele too ne ku muntumpu wende. Yerushalayime kavua muele meji ku bivua mua kumuenzekela. Eyi! Kabutu nkamukuate. Kakuena muntu nansha umue udi umusamba. Udi wamba ne: “Maweja-Nangila, tangila dikenga dianyi. Mona mudi muluishi wanyi untshimuna.”

Yirmeya 30:14

Nansha bantu bavua bakunanga, kabena bakuvuluka kabidi to! Kakuena muntu udi ukufuila luse to. Bualu ndi mukunyoke, mudileje bu muluishi webe. Ndi mukutuute bibi.

Yirmeya 13:17

Panudi kanuyi nuteleja mubelu ewu, nendile muadi nkayanyi ku mpenga bua ditambisha dienu dinene. Nempuekeshe binsonji bua tshisumbu tshia mikoku ya Maweja-Nangila, tshidi tshiya mu bupika.

Yirmeya 9:1

Eyi, bu meme mu tshipela, muaba udi bena luendu bikishila, mvua mua kubenga bantu banyi bena Izrayele, mvua mua kubashiya kashidi. Bualu mbantu batomboke. Bonsu badi amu babenga Maweja-Nangila.

Yirmeya 4:30

Kadi, wewe Yerushalayime, utshidi uvuala bilamba bikunze bimpe bua tshinyi? Utshidi uvuala bilengejilu biebe bia mpawungi, utshidi ulaba mishila pa makiki bua tshinyi? Udi mudilengeje tshianana. Bavua bakunange, mbamane kukubenga. Badi bajinga kukushipa.

Misambu 31:11

Ntatu idi ikepesha matuku anyi a panu, bidimu bienda bipita, meme ndi ntua amu mikemu. Mibi yanyi mminyange bukole buanyi. Nansha mifuba yanyi idi isheleleka.

Didimanyisha 17:16

Kadi nsengu dikumi iuvua mumone, kabidi ne nyama, nebikine mukaji muena buendenda. Nebimunyenge bionsu bidiye nabi, bimushiye butaka. Nebidie munyinyi wende, bibutule biende bidi bishala mu kapia.

Didimanyisha 17:13

Bonsu dikumi badi bipatshila amu bualu bumue: kupesha nyama bukole buabu ne bumfumu buabu.

Osheya 2:7

Mamuabu udi mubalele, mmuena tshiendenda, kena udinemeka to. Udi wamba ne: “Meme ndi musue kukeba, balume ba mu tshiendenda, badi bangonda biakudia, mampa, mayi a kunua, bilamba bienza ne ndanda, nansha ne boya bua nyama, mafuta ne maluvu a nwinyo.”

Yezekiyele 16:37

Ke pandi nsangisha balume bonsu bauvua udisankisha nabu, ne bauvua munange, ne bauvua mubenge. Meme mumane kubasangisha bafume nseke yonsu, nenkuteke kumpala kuabu, nenkuvule bilamba biebe bionsu, bobu batangile.

Muadi 2:11

Mesu anyi mmakunze ne muadi. Kanyinganyinga kadi kantonda. Tshiena ne ditekemena kabidi, bualu tshisamba tshianyi ntshibutuke. Bana ba mu maboku badi bafua ne nyota mu misesu ya mu tshimenga.

Yirmeya 3:1

Maweja-Nangila udi ukonka ne: Pikala mulume mubenge mukajende, mumuipate, mukaji awu kumuselabu kudi mulume mukuabu, bayende wa kale udi mua kumuangata kabidi bu mukajende anyi? Nansha kakese! Ditunga didi mua kunyanguka. Kadi, wewe Izrayele, ndi njadika ne: udi mumane kuenda tshiendenda ne balume ba bungi. Muudi musue bua meme kukuangata kabidi bu mukajanyi mbishi?

Nsumuinu 19:7

Mupele badi bamukina kudi bana babu. Yeye mupete bualu bunene, balunda bende badi bamubenga. Padiye ubasengelela, badi baya.

Yobe 7:3

Ngondu ya bungi idi ipita, meme ndi amu nkenga bikole. Butuku buonsu ndi amu mu lutatu.

Yobe 6:15

Balunda banyi bavua bandinga bu mudi musulu mua kudinga bantu. Musulu uvua ne mayi mavule, mpindiewu ukadi mume.

Misambu 126:5

Muntu udi umiamina maminu, wenda udila, neele mbila ya disanka padiye unowa.

Yirmeya 2:25

“Wewe Izrayele, udimuke! Paudi unyema lubilu lukole neutapike ku makasa, muminu webe neume ne nyota!” Kadi, wewe udi wamba ne: “Lekela kulengelela, ndi munange mvidie ya bantu ba bisamba bikuabu. Ndi musue kuyitendelela.”

Misambu 69:21

Bipendu mbinsunsule muoyi, nkadi mushikile. Mvua mukebe uvua mua kumfuila luse, kadi tshiena mumupete. Mvua muindile uvua mua kunsamba, tshiena mumumone.