Misambu 99:7 - MUKANDA WA MYIDI MUKULU

⁷ Mvidi Mukulu uvua ubambila meyi ende mu dikunji dia muinshi, bavua batumikila meyi ende ne mikenji ya nsombelu muakane bivuaye ubelela.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yeye wakabambila mei andi mu mulanjilanji wa mu ditutu. Bakatumikila bimanyishilu biandi ne mukenji wakabeleye.

Misambu 99:7 Referans Kwoze

Ekesode 33:9

Nanku, pavua Moshe ubuela mu ntenta amu, divuba divua dibuikila mu mushiku wa mbelu wa ntenta. Maweja-Nangila uvua wakula mu divuba amu uyukila ne Moshe.

Dibadika 12:5

Maweja-Nangila kupueka mu divuba, kuimana mu mushiku wa ntenta. Kubikilaye Arone ne Miriyame muaba awu. Bonsu babidi kusemena pabuipi.

Dielulula 4:5

Panuafika mu ditunga dia Kenaane dinukuata, nukumbaje meyi ne mikenji bimvua munulongeshe, bu muvua Maweja-Nangila Mvidi Mukulu wanyi mungambile.

Ebrewu 3:2

Bualu Mvidi Mukulu utata mumusungule bua mudimu ewu, utata mumuanyishe kabidi bu mutataye muanyishe Moshe “mu nzubu wende mujima.”

Nsumuinu 28:9

Pikala muntu kayi uteleja tshidi mikenji yamba, nenku Mvidi Mukulu kakumuteleja padiye umutendelela nansha.

Misambu 105:28

Ke Mvidi Mukulu kutumaye miidima, butuku kuila mu ditunga, kakuvua muntu uvua mubenge diyi diende nansha.

Dielulula 33:9

Bena levi mbakunange wewe Maweja-Nangila, bipite mudibu bananga baledi babu, bena meku abu, nansha bana babu badibu balele. Ke muvuabu bakumbaje mikenji yebe, banemeke nanku ndondu webe.

Ekesode 40:16

Moshe kuitaba diyi dia Maweja-Nangila, kukumbaja bionsu bivuaye mumuambile:

Ekesode 19:9

Maweja-Nangila kuambila Moshe ne: — Ndi mpueka musokome mu divuba bua kuyukila nebe, bua, padi bantu bumvue mutudi tuyukila nebe, bakuitabe. Moshe kufikisha bivua bantu bandamune kudi Maweja-Nangila.

Dibadika 16:15

Moshe kufika munda bikole bua diandamuna diabu adi. Kuambilaye Maweja-Nangila ne: — Kuitabi milambu yabu to. Katshia meme tshiena mubenzele bibi. Tshiena mubanyenge tshintu, nansha mpunde mene.