Misambu 99:4 - MUKANDA WA MYIDI MUKULU

⁴ Batumbishe bukole buebe, wewe mukalenga udi munange buakane. Wewe ke udi muelele bantu mikenji ya nsombelu muimpe, wewe ke udi mujadike buakane, ne bulongolodi mu Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bukole bua Mukelenge budi bunanga kulumbulula kuakane. Wewe wakajadika buakane mu kulumbulula; wakulumbulula ne kulumbulula kuakane, wakuenza bienzedi biakane munkatshi mua bana ba Yakoba.

Misambu 99:4 Referans Kwoze

Misambu 11:7

Bualu Maweja-Nangila udi muena buakane, udi unanga bantu badi benza bimpe. Bantu badi bamulamata, nebasombe pabuipi nende.

Didimanyisha 19:16

Bavua bafunde pa muntumpu wende ne pa tshibelu tshiende dina diende ne: “Mukalenga mupite bakalenga bonsu, Mfumu mupite bamfumu bonsu.”

Yirmeya 23:5

Maweja-Nangila udi wamba ne: Dituku nedifike dindi mbikila muntu wa ku ndelanganyi ya Davide menemene. Neikale mukalenga muakane. Neenze amu malu mimpe. Neakose amu nsambu pa yoyi mu ditunga.

Yeshaya 9:7

Maweja-Nangila uvua mulumbuluishe ndelanganyi ya Yakobe. Kupishaye bukalenga bua Izrayele.

Yobe 37:23

Mvidi Mukulu mmuena bukole buonsu. Katuena mua kusemena pabuipi nende. Udi munene. Bidiye wenza bionsu bidi bimpe. Kena ukengesha muntu. Tshidiye ne bua kutuambila ntshinyi?

Dielulula 10:18

Maweja-Nangila udi wakuila bakaji bakamba ne bana ba nshiya. Udi unanga bantu benyi badi munkatshi muenu, ubapesha bilamba ne biakudia.

Didimanyisha 19:11

Pashishe meme kumona diulu diunzuluka, kabalu katoke kamuenekamu. Udi mubandepu badi bamuinyika: Wa diyi dimue, Wa malu malelela; udi ukosa nsambu pa yoyi, uluangana mvita amu pa bualu.

Yuda 1:15

bua kulumbuluisha bantu bonsu, ne bua kunyoka bantu babi bonsu, bua malu mabi avuabu benze, pavuabu batombokele Mvidi Mukulu, ne bua miaku yabu mibi ivuabu bamujane nayi.”

Yeshaya 61:11

Bushuwa, Maweja-Nangila Mvidi Mukulu udi upatula lupandu ne lumu, kumpala kua bisamba bia bantu. Amu bu mudi mu buloba mutoloka mitshi, nansha bu mudi mu budimi bumena ntete idibu bamiaminamu.

Yeshaya 42:4

Kakuteketa mu maboku, kakupungila, too ne muabuejaye malu malenga pa buloba bujima. Bantu ba ku matunga a kule, badi amu bamuindila, bua abalongeshe.

Misambu 98:9

kumpala kua Maweja-Nangila, bualu udi ufika. Udi ufika bua kukosa nsambu ya badi pa buloba, neikale mukoshi wa nsambu muakane wa bantu, mulumbuluishi wa bukua bisamba, kayi kansungansunga.