Misambu 81:2 - MUKANDA WA MYIDI MUKULU

² Nuelele Mvidi Mukulu mbila ya disanka, udi utulama, nukumine Mvidi Mukulu wa Yakobe bikashi.

Mukanda wa Nzambi Dihungila Dikulukulu ne Dihungila Dihia-dihia 2003

² Nuambulule mei enu mu musambu, nuakuishe dikasa, nuimbe lunkombe ludi ne tshiona tshimpe, nuimbe hamue ne lunzenze.

Misambu 81:2 Referans Kwoze

Misambu 92:3

kumanyisha bantu malu ebe mimpe mu dinda, ne kubamanyisha bulelela buebe butuku,

Marke 14:26

Pashishe kuimbabu misambu ya kuela Mvidi Mukulu tuasakidila, kuyabu ku mukuna wa Olive.

Ekesode 15:20

Diba adi muambi mukaji Miriyame, muanabu ne Arone, kuangata ngoma wende mukese. Bamamu bonsu ba bena Izrayele kumulonda, kuimba ngoma, kuja ne maja.

Yakobe 5:13

Padi umue wa kunudi ne dikenga, atendelele. Padiye ne disanka, imbe musambu, atumbishe Mvidi Mukulu.

Kolose 3:16

Muaku wa Kristu wase miji munda muenu muawu muonsu mudiwu. Longeshanganayi, belanganayi, ne meji onsu anudi nawu. Ne muoyi wenu mujima, imbilayi Mvidi Mukulu misambu, mitendu ne tusala, mudi Mueyelu wa Tshijila unusaka, kabidi ne muoyi wa dianyisha.

Efeze 5:19

Nukoleshangane ku muoyi, nuimbilangane misambu, miyenga ne tusala, mudi Mueyelu unusaka bua kuimba. Imbayi, elayi Mfumu tuasakidila ne muoyi wenu mujima.

2 Kulondolola 5:13

Bonsu, bedi ba mpungi ne bimbi bakuabu, kuimbabu pamue, bua kusamuna ne kutumbisha Maweja-Nangila. Bavua bimba misambu, bela mpungi, ludibu ne biombelu, bamba ne: “Tumbishayi, Maweja-Nangila, bualu mmulenga. Dinanga diende ndia kashidi”. Diba adi, divuba kuwula mu nzubu wa Mvidi Mukulu tente.

Nehemya 12:42

Masheya, Shemaya, Elazare, Uzi, Yowanane, Malkiya, Elame ne Azere bavuaku kabidi. Bena misambu bavua bimba, Izkiya ubalombola.

Misambu 59:17

Kadi meme ndi nkutumbisha, bualu udi ne bukole. Dinda ndi nkuimbila, bualu udi utunanga. Udi nzubu mukole undi mua kusokomena, muaba undi mua kubutama diba dia dikenga.