Misambu 73:9 - MUKANDA WA MYIDI MUKULU

⁹ Badi basendeka Mvidi Mukulu udi mu diulu, bajana bantu ba pa buloba.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Badi babandisha mei a mukana muabo tô ne mulu, ndimi yabo idi yendakana ha buloba.

Misambu 73:9 Referans Kwoze

Didimanyisha 13:6

Kutuadijaye kusendeka Mvidi Mukulu, kupenda dina diende, muaba udiye usomba, kabidi ne bonsu badi basomba mu diulu.

Yakobe 3:6

Ludimi ludi bu kapia. Ludi tshimamuende wa bubi budi mu mubidi wetu, budi mua kutunyanga muetu muonsu mutudi. Ludi lutushidisha matuku onsu atudi pa buloba ne kapia kadi kafuma mu dijimba mene dia kapia.

Ekesode 5:2

Mukalenga wa bena Ejipitu kubandamuna ne: — Maweja-Nangila nnganyi? Meme tshiena mumanye Maweja-Nangila bua meme kuitaba diyi diende. Tshiena ndekela bena Izrayele baye to!

Danyele 7:25

Neadiwule Mvidi Mukulu, Muena kulu, ne meyi a kapeja. Neakengeshe tshisamba tshia tshijila. Neapangidije bua kushintulula bikondu ne mikenji bia tshisamba tshia tshijila. Nebafile tshisamba tshia tshijila mu bianza biende, bua atshikokeshe bidimu bisatu ne tshitupa.

Danyele 3:15

Nenumvue kabidi mpindiewu bela mpungi, nshiba, nzenze, lunkombe, ne biombelu bikuabu bionsu. Nanku mpindiewu nenuiname panshi, nukukuile lupingu lundi muenzeje anyi? Kadi binuabenga kulukukuila, diakamue badi banuela mu tshikutu tshidi ne kapia kakole. Diba adi, mvidie kaayi udi mua kunusungidila kundi?

2 Kulondolola 32:15

Nanku kanuena mua kuitaba, bua Izkiya ikale unushima, unulembakaja nenku. Kanumuitabi to! Ndi ngamba, ngambulula ne: mvi-die nansha umue wa tshisamba kampande, nansha wa ditunga kansanga, kena mupikule bantu bende ku bianza bia bankambua banyi, nansha ku bianza bianyi to. Nanku mvidie yenu kayena mua kunusungidila nansha kakese.”

Luke 18:4

Mukoshi wa nsambu kubenga matuku a bungi. Kadi pashishe kudielaye meji ne: “Nansha meme tshiyi ntshina Mvidi Mukulu, tshiyi nnemeka bantu,

Misambu 52:4

Wewe udi amu ukeba kubutula bantu, udi ubadinga ne ludimi luebe, lutue bu kapaya.

Yobe 21:14

Kadi abu bantu bavua bambila Mvidi Mukulu ne: “Katuena nebe ne bualu. Katuena basue kumanya tshiudi musue.