Misambu 73:11 - MUKANDA WA MYIDI MUKULU

¹¹ Batu bebeja ne: “Tshidi Mvidi Mukulu mumanye ntshinyi? Yeye udi mulu muamua, tuetu panshi!”

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Badi bamba ne, Nzambi udi mumanye munyi? Mutambe Bunene wa mu diulu udi ne lungenyi, anyi?

Misambu 73:11 Referans Kwoze

Sefanya 1:12

Diba adi nentemeshe muendu, bua kukalula tshimenga tshia Yerushalayime. Nennyoke bantu badi basomba talala, bu mudi maluvu abutama, ashiya binyindanyinda panshi. Badi bamba ne: ‘Maweja-Nangila kena wenza bualu, nansha buimpe nansha bubi!’

Osheya 7:2

Kabena bela meji ne: meme Maweja-Nangila ndi mumanye bionsu bidibu benza. Mpindiewu, bubi buabu mbubajingile bu mionji. Ndi mmona bionsu abi.

Misambu 94:7

Badi bamba ne: “Maweja-Nangila kena umona, Mvidi Mukulu wa Yakobe kena umanya.”

Yezekiyele 8:12

Mvidi Mukulu kunkonka ne: — Yezekiyele, udi mumone bimpe bidi bakulu ba bena Izrayele benza mu musokoku, muntu yonsu udi ku muaba udi bimfuanyi bia mvidie wende. Badi basue kudibingisha, bamba ne: “Maweja-Nangila kena mutumone to. Mmumane kumuangala mu ditunga.”

Misambu 73:9

Badi basendeka Mvidi Mukulu udi mu diulu, bajana bantu ba pa buloba.

Misambu 44:21

Bu tuetu bapue Mvidi Mukulu wetu muoyi, bu tuetu batendelela mvidie mikuabu,

Misambu 10:11

Muntu mubi udi wela meji ne: “Mvidi Mukulu kena bualu ne bindi ngenza. Kena musue kubimanya, kena musue kubimona!”

Misambu 10:4

Muntu mubi udi wela mpala mulu, wamba ne: “Mvidi Mukulu kena unyoka muntu. Kenaku mene.” Ke meji onsu adi muntu mubi wela.