Misambu 71:1 - MUKANDA WA MYIDI MUKULU

¹ Maweja-Nangila, ndi nyemena kuudi, kumfuishi bundu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa, ndi nyemena kudi; kabanfuishi bundu ku mesu tshiendelele!

Misambu 71:1 Referans Kwoze

1 Petro 2:6

Bualu badi bafunde mu Mukanda wa tshijila ne: “Ndi mudisunguile dibue dia mushinga mukole, dindi nteka mpindiewu bu dibue dia mu ditumba pa mukuna wa Siyone. Udi utekemena kudidi, kakufua bundu musangu nansha umue.”

Misambu 22:5

Bankambua betu bavua batekemena kuudi, wewe kubasungidila.

Yirmeya 17:18

Bantu badi bankengesha, bundu bubakuate amu bobu! Kadi kabunkuatshi meme! Bowa kabidi bubakuate amu bobu! Kabunkuatshi meme! Ubatumine dituku dia dikenga. Ubazaze kashidi.

Misambu 125:1

Musambu wa bena ngendu. Bantu badi beyemena Maweja-Nangila, mbafuane mukuna wa Siyone, udi kauyi utenkakana tshiendelele.

Yeshaya 45:17

Kadi bena Izrayele mbapete lupandu lua kashidi kudi Maweja-Nangila. Kabena bafue kabidi bundu. Kabena mua kubapepeja kudi muntu nansha umue.

Misambu 146:5

Muntu udi Mvidi Mukulu wa Yakobe wambuluisha, mutekemene kudi Maweja-Nangila Mvidi Mukulu wende, mmuena diakalenga!

1 Kulondolola 5:20

Bavua batekemena kudi Mvidi Mukulu munkatshi mua mvita ayi. Kusengelelabu Mvidi Mukulu bua kupeta diambuluisha. Mvidi Mukulu kubateleja, kubambuluisha. Bobu kutshimuna bena Agri ne bonsu bavua batue ku tshiabu.

Rome 9:33

mudi Mukanda wa tshijila wamba ne: “Tangilayi, ndi nteka mu Siyone dibue didi ditetula bantu, lubuebue ludi lubaponesha. Kadi udi umuitaba, kakufua bundu nansha.”

2 Bakalenga 18:5

Izkiya uvua mudifile kudi Maweja-Nangila Mvidi Mukulu wa bena Izrayele, mupite bakalenga bonsu ba Yuda, bavua bamudianjidila mu bukalenga, ne bavua bamulonda panyima.