Misambu 64:5 - MUKANDA WA MYIDI MUKULU

⁵ Badi bayasa bantu ba nsongu mu musokoku, kabayi babadimuja, kabayi babanemeka.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Badi badikolesha mu bualu bubi buakuhangidishabo; badi bayikilangana bua kuteyabo ndende mu musokoko. Badi bamba ne, Watangila malu â nganyi?

Misambu 64:5 Referans Kwoze

Misambu 140:5

Maweja-Nangila, undame bua tshiponyi mu bianza bia bantu babi; umpandishe kudi bena tshikisu, badi belangana meji a kunteya mukolu.

Misambu 10:11

Muntu mubi udi wela meji ne: “Mvidi Mukulu kena bualu ne bindi ngenza. Kena musue kubimanya, kena musue kubimona!”

Yezekiyele 8:12

Mvidi Mukulu kunkonka ne: — Yezekiyele, udi mumone bimpe bidi bakulu ba bena Izrayele benza mu musokoku, muntu yonsu udi ku muaba udi bimfuanyi bia mvidie wende. Badi basue kudibingisha, bamba ne: “Maweja-Nangila kena mutumone to. Mmumane kumuangala mu ditunga.”

Misambu 94:7

Badi bamba ne: “Maweja-Nangila kena umona, Mvidi Mukulu wa Yakobe kena umanya.”

Misambu 59:7

Badi bapingana dilolu mu tshisumbu, banyunguluka tshimenga tshijima, bela mikunda bu mbua.

Yobe 22:13

Kadi wewe udi amu webeja ne: “Tshidi Mvidi Mukulu mua kumanya ntshinyi? Udi mua kukosa nsambu yetu padi mavuba amusokoka anyi?

Yeshaya 41:6

Badi bambuluishangana, bakoleshangane ku muoyi, bamba ne: “Tuyayi!”

Misambu 124:7

Tuakapandukamu, bu mudi nyunyi utuka mu bukondu bua mukuatshi wa tunyunyi; bukondu kupandika, tuetu kupanduka.

Dibadika 22:6

Ndi nkusengelela ne: ufike kuneku, ubatshipe. Bualu mbatupite bukole! Wewe mubatshipe, misangu mikuabu ndi mua kubatshimuna, kubipata mu ditunga. Meme ndi mujadike ne: wewe muele muntu lupemba, nansha mumutshipe, bidi bienzeka anu muudi muambe.”

Ekesode 15:9

Bena lukuna betu kuamba ne: “Netubalonde, tubapete. Nebabanyangane bintu biabu, netubidie tuukute. Netutule muele wa mvita, tubabunde bonsu.”

Didimanyisha 11:10

Bantu ba pa buloba nebasanke, batue tshianga, basankishangane ne bintu, bua lufu luabu, bualu bambi babidi aba bavua batatshishe bikole bantu ba pa buloba.

Matayi 23:15

Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nutambakana pa buloba bujima, ne pa mayi manene, bua kupeta muntu udi mua kukudimuna mutshima wende. Kadi panudi bamane kumupeta, nudi numupisha tshibawu tshia kapia ka tshinyangu, tshipite tshienu misangu ibidi.

Genese 20:13

Mvidi Mukulu mmumane kungumusha mu nzubu mua baledi banyi, meme kuambila mukajanyi Sara ne: “Miaba yonsu itudi tupitshila nebe, ambila bantu ne: Abrahame udi muanetu wa balume, bua kabanshipi bualu buebe.”

Balombodi 20:22

Bena Izrayele kuya kudila kumpala kua Maweja-Nangila too ne ku dilolu. Kumuebejabu ne: tudi mua kuya kuluangana kabidi ne bana betu bena Binyamine anyi?