Misambu 6:2 - MUKANDA WA MYIDI MUKULU

² Maweja-Nangila, udi mumfikile munda, kadi kunnyoki. Udi muntekele tshiji, kadi lekela kunkengesha.

Mukanda wa Nzambi Dihungila Dikulukulu ne Dihungila Dihia-dihia 2003

² Yehowa, unfuile luse, bualu bua ndi ngamba kuteketa; Yehowa, unsangashe, bualu bua mifuba yanyi idi izakala.

Misambu 6:2 Referans Kwoze

Osheya 6:1

Nudi nuamba ne: “Tuyayi, tupinganayi kudi Maweja-Nangila. Yeye udi mututape mputa, neatuondape kabidi. Yeye udi mutukume, neatusuike tshilamba pa mputa.

Misambu 31:10

Maweja-Nangila, umfuile luse, ndi mu dikenga. Mesu mmanguwule ne binsonji, muoyi mmunshikile munda, mubidi mmuntekete.

Misambu 30:2

Maweja-Nangila, ndi nkutumbisha, bualu uvua mumpandishe, kuvua muanyishe bua baluishi banyi banseke.

Yirmeya 17:14

Maweja-Nangila nempete bukole, anu paudi wewe ujikija disama dianyi. Nempande, anu paudi wewe umpandisha. Bualu undi mua kutumbisha pa bualu udi anu wewe nkayebe.

Misambu 51:8

Kadi wewe udi musue amu bua muntu ambe malu malelela kayi usokoka bualu. Undongeshe, bua kondu kanyi ka munda kikale katuuta pa bualu.

Dielulula 32:39

“Nuenu bena Izrayele, nujadike lelu ne: meme Maweja-Nangila nkayanyi, ndi nnusungidila. Kakuena mvidie mukuabu to, anu meme. Meme ndi mfuisha bantu, mbalama ne muoyi. Ndi mbatapa mputa, mbondapa kabidi. Udi mua kunyenga muntu mu tshianza tshianyi udiku anyi?

Misambu 38:7

Maboku mmantekete. Dikenga ndintonde. Butuku ne munya ndi amu ne binsonji kuisu.

Misambu 38:3

Udi mungase mikete yebe, muntuute, munkulule panshi.

Misambu 32:3

Pamvua tshiyi ntonda bubi buanyi, bukole buanyi buvua buenda bukepela, meme kutua mikemu butuku ne munya.

Genese 20:17

Kadi Abrahame kulomba kudi Mvidi Mukulu bua apandishe Abimeleke, apandishe kabidi mukajende ne bakaji bende bapika, bua bamone mua kulela bana tshiakabidi.

Matayi 4:24

Mu ditunga dijima dia Siriya, kutuadijabu kuyukidilangana bualu bua Yezu. Bavua bafika kudiye ne bantu bonsu bavua kabayi bumvue bimpe, bikale ne masama ne ntatu bishilangane. Munkatshi muabu muvua bavuabu bakuate kudi diabolu, bena tshiseke, ne bena tuneke. Yezu uvua ujikija masama abu onsu.

Misambu 22:14

Idi ibutula mukana, ikeba kundia, idila bu nyama ya ntambue ya tshikisu!

Yobe 5:18

Mvidi Mukulu udi mua kusamisha muntu, kadi udi kabidi mua kujikija disama diende. Padiye utapa mputa, amu Yeye nkayende ke udi umondapa.

Dibadika 12:13

Moshe kulomba Maweja-Nangila, wamba ne: — Mvidi Mukulu wanyi, anyisha ondapa disama edi!

Ekesode 15:26

Maweja-Nangila kubambila ne: “Nuenu bateleje diyi dianyi meme, Maweja-Nangila, Mvidi Mukulu wenu, bakumbaje bilenga bindi nnuambila, batumikile mikenji yanyi, tshiakunutumina dikenga nansha dimue, bu mumvua mutumine bena Ejipitu. Bualu meme ndi Maweja-Nangila, udi unondapa.”

Yobe 19:21

Nudi balunda banyi. Nanku nungumvuile luse. Tshianza tshia Mvidi Mukulu ke tshidi tshintuta nenku.

Misambu 38:2

Maweja-Nangila, kuena mua kumpisha, nansha wewe ne tshiji, kuena mua kunnyoka, nansha wewe mumfikile munda.

Yirmeya 10:24

Maweja-Nangila umbele. Kadi umbele ne lutulu, kunnyoki paudi ne tshiji. Tshianana ndi mbutuka.