Misambu 59:10 - MUKANDA WA MYIDI MUKULU

¹⁰ Ndi ntekemena kuudi, bualu wewe udi undama. Mvidi Mukulu, Wewe udi nzubu mukole undi nsokomena.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nzambi wanyi nealue kungakidila bua luse luandi lujalame. Nzambi neitabushe bua meme ntangile badi nʼanyi lukuna batambibue bukole.

Misambu 59:10 Referans Kwoze

1 Petro 5:10

Mvidi Mukulu mmunubikile bua nudisange nende mu butumbi buende bua kashidi, panudi nudisanga ne Kristu. Nanku nuenu bamane kukenga tshitupa tshikese, Mvidi Mukulu, mpokolu wa dinanga dionsu, neanuenze bantu ba tshijila. Neanushindike, anukoleshe bua kanutenkakanyi.

Misambu 54:7

Mvidi Mukulu, upingajile baluishi banyi malu mabi avuabu bangenzele. Ubabutule bapuwe. Uleje muudi ukumbaja malaya ebe.

Misambu 59:17

Kadi meme ndi nkutumbisha, bualu udi ne bukole. Dinda ndi nkuimbila, bualu udi utunanga. Udi nzubu mukole undi mua kusokomena, muaba undi mua kubutama diba dia dikenga.

Misambu 21:3

Udi mukumbaje tshivuaye ujinga. Kuena mumupale tshivuaye ukulomba.

Misambu 92:11

Udi mumpeshe bukole bu bua nyama wa mbowa, udi mungele mafuta mapiamapia pa mutu.

Misambu 54:5

Bantu bandi tshiyi mumanye, badi banduisha, bena tshinyangu badi basue kunshipa. Kabena batshina Mvidi Mukulu.

2 Korente 1:3

Tutumbishayi Mvidi Mukulu, Tatu wa Mfumu wetu Yezu Kristu, Tatu udi utunanga bikole. Yeye ke Mvidi Mukulu udi utuambuluisha misangu ne misangu mu makenga etu onsu.

Yirmeya 17:16

Maweja-Nangila, meme tshivua mukusake bua wewe kubatumina dikenga. Tshivua mujinge ne: babutuke. Amu wewe ke uvua mujadike malu onsu amvua muambe.

Yeshaya 65:24

Kabayi banji kumbikila, meme nembitabe. Kabayi banji kujikija dindomba, meme nkadi mumane kumvua.

Misambu 112:8

Udi ne muoyi mukole, kena ne bowa, too ne padiye umona batshimuna baluishi bende.

Misambu 91:8

Tabala tshianana, neumone mudi Mvidi Mukulu ufuta bantu babi!

Misambu 79:8

Kututandishi bua bilema bia bantu bavua badianjile kumpala kuetu, kadi bua dinanga diebe, pingana kutudi. Kujingakanyi to, bualu tudi badishinde panshi menemene.

Misambu 56:6

Bindi ngamba, badi babiamba muabu munga. Meji abu adi amu a kungenzela bibi.

Misambu 56:2

Mvidi Mukulu wanyi, umfuile luse, bualu bantu badi bandondakaja. Dituku dionsu badi banduisha, bankengesha.

Misambu 5:8

Kadi bu muudi munnange bikole, ndi mua kubuela mu nzubu muebe, kukukukuila mu muaba webe wa tshijila.

2 Samuele 1:17

Ke Davide kusaka musambu wa lufu lua Shawule ne Yonatane.

1 Tesalonike 4:15

Bualu bitudi tulongesha mpindiewu, ke bivua Mfumu mutuambile ne: tuetu batshidi ne muoyi diba diafika Mfumu, katuakudianjidila bantu bafue nansha.

1 Samuele 26:10

Bu mudi Maweja-Nangila ne muoyi, ndi nkujadikila ne: Maweja-Nangila nkayende neajikije bualu buende. Shawule udi mua kufua bu mudi bantu bonsu bafue anyi udi mua kufua mu mvita.

Misambu 46:8

Maweja-Nangila wa bukole buonsu udi netu. Mvidi Mukulu wa Yakobe udi utulama.