Misambu 57:5 - MUKANDA WA MYIDI MUKULU

⁵ Ndi munkatshi mua bantu ba lonji, badi bu nyama ya ntambue idi idia bantu. Menu abu adi masongoloke bu difuma, nansha bu muketa, ludimi luabu ndutue bu muela wa nkanza.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Wewe, Nzambi, wikale mubandishibue ne butumbi ha mutu ha diulu dionso! Butumbi buebe buikale ha mutu ha buloba buonso!

Misambu 57:5 Referans Kwoze

Abakuke 2:14

Tshikondu netshifike tshidi bantu mu buloba bujima, bamanye amu kumanya munda muabu muonsu, butumbi bua Maweja-Nangila, amu mudi mayi muwule mu mayi manene tente.

Yeshaya 6:3

Batata belangana mbila ne: “Wa tshijila, wa tshijila, wa tshijila, Maweja-Nangila muena bukole buonsu udi wa tshijila! Butumbi buende budi pa buloba buonsu.”

Misambu 72:19

Tuele Mvidi Mukulu tuasakidila! Lumu luende ndunene! Butumbi buende bumueneke mu buloba bujima! Amene, eyo, bikale nanku!

Dibadika 14:21

Kadi ndi nditshipa ne: bu mundi ne muoyi, kabidi bu mudi buloba bujima buwule ne butumbi buanyi,

Misambu 57:11

Bualu dinanga diebe ndinene, ndiye ne mu diulu. Udi ukumbaja malaya ebe miaba yonsu too ne mu mavuba.

Abakuke 3:3

Mvidi Mukulu udi utumina ku Temane, Mvidi Mukulu wa tshijila udi upueka ku mikuna ya Parane. Diulu ndiwule tente ne buneme buende, buloba tente ne lumu luende.

Misambu 148:13

Tumbishayi Maweja-Nangila, bualu yeye nkayende ke udi ne dina dia lumu. Udi ne buneme pa buloba ne mu diulu.

Misambu 8:1

Musambu wa mu mukanda wa mulombodi wa misambu, wa kuimba ne lunkombe lua Ngate. Musambu wa mu mukanda wa misambu ya Davide.

Yeshaya 2:11

Muena ditambisha neiname panshi. Muena kapeja, nebamupuekeshe. Dituku diadia nebamanye ne: amu Maweja-Nangila nkayende udi ne bukole.

Yeshaya 37:20

Kadi wewe, Maweja-Nangila Mvidi Mukulu wetu, utusungidile mpindiewu mu bianza bia Senakeribe. Nankumu makalenga onsu a pa buloba, nebamanye ne: amu wewe Maweja-Nangila nkayebe ke udi Mvidi Mukulu.”

Yeshaya 12:4

Dituku adi nenuambe ne: “Tumbishayi Maweja-Nangila. Numanyishe bantu dina diende. Nulondele bisamba bionsu malu a dikema avuaye muenze. Nukobole ne: Dina diende ndinene!

Yeshaya 2:17

Muntu muena ditambisha neinyike mpala panshi, muena kapeja neadie buloba. Dituku adi, nebamanye ne: amu Maweja-Nangila nkayende udi ne bukole.

Misambu 21:13

Neubase mikete, banyeme lubilu.

1 Kulondolola 29:1

Mukalenga Davide kuambila bena Izrayele bonsu bavua muaba awu ne: — Muananyi Shelomu udi Maweja-Nangila musungule, utshidi muana mutekete, kena muanji kujingulula bimpe mudi panu. Kadi mudimu wa kuenza mmupite bunene, bualu ki nnzubu wa bukalenga bua muntu udiye ne bua kuasa to. Kadi nnzubu wa Maweja-Nangila Mvidi Mukulu.

Misambu 59:8

Mukana muabu mudi muwule tente ne miaku mibi. Bidibu bamba bidi bu muela wa nkanza. Badi bela meji ne: muntu nansha umue kena mua kutumvua.

Misambu 64:4

Ludimi luabu ludi lutue bu muela wa nkanza. Miaku yabu idi bu miketa idi itapa bantu, ishiya lulengu.

Nsumuinu 12:18

Muena biakulakula udi utapa mputa minene bu ya muele wa mvita. Kadi ludimi lua bantu ba meji ludi bondapa.

Nsumuinu 30:14

Kudi bantu badi ne menu bu miele ya kuluangana nayi mvita, badi ne binyanganyanga bitue bu tuele. Badi bavuambula bakengi ba mu ditunga, bumusha bapele munkatshi mua bantu bakuabu.