Misambu 51:1 - MUKANDA WA MYIDI MUKULU

¹ Musambu wa mu mukanda wa mulombodi wa bena misambu ne wa mu mukanda wa misambu ya Davide.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nzambi, unfuile luse, bu mudi luse luebe lujalame; ku divulangana dia luse luebe, unjimishile matomboka anyi.

Misambu 51:1 Referans Kwoze

Bienzedi 3:19

Nanku nudilengeje, nupingane kudi Mvidi Mukulu, bua anujimijile mibi yenu.

Yeshaya 44:22

Nkadi mukupule buntomboji buebe, ne bilema biebe, bu mudi divuba dipite lubilu, dijimine. Ndi mukupandishi webe. Pingana kundi.”

Yeshaya 43:25

Kadi, nansha nanku, ndi nkufuila amu luse bua buntomboji buebe. Tshiena musue kuvuluka kabidi bilema biebe. Ke mundi meme nanku.

Misambu 51:9

Ukupule bubi buanyi, ungoweshe, ntoke zezeze. Nanku tshiakuikala kabidi muena tshibawu.

Kolose 2:14

Uvua mushipe mukanda uvua uleja mutuvua bena tshibawu, utusonguela. Uvua mumbushe bukole buawu, bualu mmuupopele pa mutshi mutshiamakane.

Misambu 69:16

Muenji kaumpuekeshi, mavuala kaanjimiji. Lukita luanyi kalushadi muinshi mua mayi.

2 Samuele 11:2

Dituku dikuabu dilolu, Davide mumane kuikisha, kujukaye bua kuololoka, wendakana ku musaka wa nzubu wende wa bukalenga. Kumonaye mukaji wowa mayi. Mukaji awu uvua muimpe mutambe.

Misambu 106:45

Kuvulukaye ndondu wende bu mudiye ne luse, kukudimunaye meji ende.

Misambu 4:1

Musambu wa mu mukanda wa mulombodi wa misambu. Musambu wa mu mukanda wa misambu ya Davide, wa kuimba ne nzenze.

Muadi 3:32

Nansha yeye ukengesha muntu, udi umufuila luse, bualu buimpe buende mbupite bunene.

Misambu 119:124

Ndi nkusengelela ne: ungenzele bu mudi bulenga buebe, undongeshe biudi musue.

Misambu 109:21

Kadi wewe Maweja-Nangila, Mvidi Mukulu wanyi, ungenzele bimpe bua dina diebe, bualu malu ebe mimpe mmapite, unsungidile.

Misambu 40:11

Tshiena nsokoka bantu muudi mumpandishe. Kadi ndi mbajadikila ne: Wewe ke musungidi udi ukumbaja biudi mulaye. Miaba yonsu idi bantu basangila, nebamanyishe muudi ne muoyi muimpe, kabidi ne diyi dimue.

Misambu 5:7

Wewe udi ubutula bena dishima, ubenga badi bashipa bantu, nansha badi babadinga.

Misambu 106:7

Pavua batatu betu mu Ejipitu, kabavua bajingulule malu a kukema a Maweja-Nangila, kabavua bavuluke malu ende makane mapite bungi. Kumutombokelabu pabuipi ne mayi manene a Luepu.

Misambu 69:13

Miaba idi bantu basangile badi bantela, banu ba maluvu badi banseka, bangimba mu misambu.

Danyele 9:9

Kadi wewe Maweja-Nangila, Mvidi Mukulu wetu, bu muudi utunanga, udi utufuila luse, nansha tuetu bakutombokele.

Yeshaya 63:15

Maweja-Nangila nansha wewe musombe mu diulu, mu muaba webe muimpe wa tshijila, tangila bidi bituenzekela panu panshi. Dinanga diebe dikole, diuvua mutunange nadi didi penyi? Bukole buebe buuvua nabu mu mvita butshidiku anyi? Kuena kabidi musue kutufuila luse anyi? Maweja-Nangila kubengi kutuleja muudi utunanga.

Yeshaya 63:7

Ndi musue kuvuluija bantu muoyi mulenga udi Maweja-Nangila nawu. Ndi musue kumutumbisha, bua bionsu bidiye mutuenzele. Uvua muenzele tshisamba tshia Izrayele bimpe bitambe, bualu udi utshinanga kashidi, utshifuila luse misangu yonsu.

Misambu 145:9

Maweja-Nangila udi musue bantu bonsu, udi munange bonsu badiye mufuke.

Misambu 77:9

Maweja-Nangila udi mutuipate kashidi anyi? Kena kabidi ne tshia kutuambila anyi?

Danyele 9:18

Mvidi Mukulu wanyi, teleja, tangila ne ntema. Umone mudi tshimenga tshietu tshibutuke, tshimenga tshidi tshikujidila. Katuena tukusengelela bualu tudi bantu bimpe to, kadi bualu wewe udi ne dinanga dia kashidi.

Nehemya 4:5

Baluishi betu bavua bela meji ne: tuetu katuena mua kumanya bualu, katuena mua kubamona, too ne pafikabu ne mvita munkatshi muetu, bua kutushipa ne kutulekesha mudimu.

Yirmeya 18:23

Wewe Maweja-Nangila udi mumanye bionsu, bidibu benza bua kunshipesha. Kuena mua kubafuila luse. Kuena mua kulengulula bilema biabu. Ubele panshi, ubaleje tshiji tshiebe!