Misambu 48:9 - MUKANDA WA MYIDI MUKULU

⁹ Tuvua bumvue bivua Mvidi Mukulu muenze kale. Lelu tuvua babimone mu tshimenga tshia Maweja-Nangila wa bukole buonsu. Amu Mvidi Mukulu ke udi utshishindika kashidi.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nzambi, tuakuelangana meji a luse luebe lujalame munda mua ntempelo webe.

Misambu 48:9 Referans Kwoze

Misambu 26:3

Ndi mvuluka diba dionsu muudi munnange. Ndi ngenda panu, bualu udi nanyi kashidi.

Misambu 40:10

Bantu bebe bamane kusangila, nembamanyishe ne: Maweja-Nangila ke udi upandishangana. Maweja-Nangila udi mumanye mundi tshiyi mua kupuwa.

Musambu wa Solomo 1:4

Unkuate ku tshianza, tuye nebe lukasa. Mukalenga wanyi, umbueje mu tshibambalu tshiebe, tusanke bubidi buetu. Tusangale, bualu dinnanga diebe ndisheme dipite maluvu. Ke padi nsongakaji yonsu ikunanga.

Misambu 104:34

Maweja-Nangila, musambu wanyi ukulengelele, meme ndi ne disanka bua pandi nebe wewe Mvidi Mukulu!

Yeshaya 26:8

Maweja-Nangila, bua tumone mua kukumbaja biudi wewe musue, tudi tutekemena amu kuudi. Kutela dina diebe, kukuela mbila, ke tshidi mutshima wa muntu yonsu ujinga.

1 Bakalenga 10:6

Pashishe kuambilaye mukalenga Shelomu ne: — Pamvua mu ditunga dianyi, mvua mumvue lumu luebe ne lua meji audi nawu. Pamvua tshiyi muanji kufika kuneku bua meme kudijadikila nkayanyi bivuabu bangambila, mvua anu ne mpata. Kadi bionsu bivuabu bangambila, bivua anu bia bushuwa. Kadi bavua bangambila anu malu makese. Meji ebe ne bubanji buebe mbipite lumu luebe lumvua mumvue.

Misambu 87:5

Kadi Siyone, badi bamuamba ne: ke tshimenga tshilelela tshia bantu bonsu. Mvidi Mukulu Muena kulu ke udi mutshiase.”

Yirmeya 31:40

“Tshibandabanda tshijima, muaba udibu bajika bitalu, udibu bela butu bua milambu, netshikale tshianyi meme. Mpata yonsu too ne ku Kedrone, musulu wa muenji mukole, too ne ditunga dia ku tshiibi tshia Nyama ya tubalu, luseke ludi diba dipatukila, neyikale yanyi meme. Kabena mua kunyenga, kabena mua kubutula kabidi tshimenga to.