Misambu 47:6 - MUKANDA WA MYIDI MUKULU

⁶ Mvidi Mukulu udi ubanda pa mukuna wa Siyone, bantu bamuela tunkunduluila. Maweja-Nangila udi ufika, mpungi idila.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nuimbile Nzambi misambu ya kumutumbisha nʼai, imbai! Nuimbile Mukelenge wetu misambu ya kumutumbisha nʼai, imbai!

Misambu 47:6 Referans Kwoze

Matayi 25:34

Nenku mukalenga neambile bantu badi ku diende dia balume ne: “Vuayi, nuenu badi Tatu wanyi muele lupemba. Angatayi Bukalenga buvuabu banulongoluele, katshia bafuka bukua panu.

Misambu 68:4

Kadi bantu ba Mvidi Mukulu nebamutumbishe, Nebasanke batue tshianga!

Yeshaya 33:22

Bualu Maweja-Nangila udi mulombodi wetu, udi mfumu wetu bonsu. Maweja-Nangila udi mukalenga wetu. Yeye ke Musungidi wetu.

Misambu 145:1

Musambu wamu mukanda wa misambu ya Davide, bua kutumbisha nawu Mvidi Mukulu. Mvidi Mukulu wanyi, wewe udi Mukalenga, nemmanyishe bantu buneme buebe, nenkuele tuasakidila kashidi.

Matayi 27:37

Kufundabu pa dibaya miaku idi ileja bualu buvuabu bamushipele ne: “Ewu Yezu, mukalenga wa bena Yuda.” Kupopelabu dibaya adi pa mutshi mutshiamakane kulu kua mutu wende.

1 Kulondolola 16:9

Muimbilayi, numusamune ne misambu. Vuluijayi bantu bishima biende bionsu.

Misambu 89:18

Wewe ke udi bukole buabu butambe bunene, udi ujula mpala yetu mulu ku diambuluisha diebe.

1 Kulondolola 29:20

Davide kuambila kabidi bantu bonsu ne: — Elayi Maweja-Nangila, Mvidi Mukulu wetu tuasakidila. Bantu bonsu kuela Maweja-Nangila tuasakidila, Mvidi Mukulu wa bankambua babu. Kutuabu binu, kutua ne mpala panshi, batumbisha Maweja-Nangila, kabidi ne mukalenga Davide.

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Ekesode 15:21

Miriyame kuambila bena Izrayele ne: Imbilayi Maweja-Nangila musambu: mmuleje bukole budiye nabu, mmubutule tubalu ne bavua babandapu!

1 Kulondolola 15:28

Bena Izrayele bonsu kufika ne mushete wa tshijila mu Yerushalayime, batua tshianga, badidisha miadi ya mpungi mishilangane, ya ndibu, ya nkombe ne ya nzenze.