Misambu 43:1 - MUKANDA WA MYIDI MUKULU

¹ Mvidi Mukulu wanyi, kosa nsambu yanyi amu pa yoyi, umbingishe kudi bantu badi kabayi luse. Unsungidile kudi bena dishima ne bena tshinyangu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nzambi, ukose nsambu yanyi biakane, ungakuile tshilumbu tshianyi ku mpala kua ba mu tshisamba tshia bantu badi bahidia Nzambi. Umpandishe mu bianza bia bantu badi badinga ne badi ne malu mabi.

Misambu 43:1 Referans Kwoze

Misambu 35:1

Musambu wa mu mukanda wa misambu ya Davide. Maweja-Nangila, luangana ne bankinyi banyi, uluishe badi bangenza mvita.

Misambu 26:1

Musambu wa mu mukanda wa misambu ya Davide. Maweja-Nangila, umbingishe, bualu tshiena muenze bualu bubi nansha bumue. Ndi nkutekemena muanyi muonsu.

Misambu 7:8

Sangisha bisamba bionsu pabuipi nebe. Zangama ku mutu kuabi mu nkuasa webe wa butumbi.

Misambu 35:24

Maweja-Nangila, wewe udi ukosa nsambu pa yoyi, nanku umbingishe! Mvidi Mukulu wanyi, kabandembakaji!

1 Samuele 24:15

Mukalenga Shawule, uudi wenda ukeba nenku nnganyi? Udi wenda unkeba anu meme Davide. Kadi, meme ndi anu bu mbua mumane kufua, nansha bu tshipu!

Misambu 71:4

Mvidi Mukulu wanyi, ungepule ku bianza bia bantu babi, ku tshinyangu tshia bivi ne bakengeshanganyi.

Misambu 5:6

Kuena musue kumona bena kapeja. Udi ukina bonsu badi benzela bakuabu bibi.

Mika 7:9

Maweja-Nangila mmutunyoke ne tshiiji, bualu tuvua bamuenzele bibi. Kadi diba nedifike didiye utulumbuluisha, utubingisha. Yeye neatupingaje mu butoke, neatuenzele malu mimpe mavule.

1 Petro 2:23

Pa wabu bamupende, kavua mupingaje bipendu. Pavuaye ukenga, kavua ukanyina bantu. Kadi uvua utekemena amu kudi Mvidi Mukulu, udi ukosa nsambu pa yoyi.

1 Korente 4:4

Bulelela kondu kanyi ka munda kakena kampisha nansha kakese. Kadi ebi kabiena bijadika ne: ndi mubinge to. Mfumu ke mukoshi wanyi wa nsambu.

Nsumuinu 23:11

Bualu badi ne mubalumbuluidi wa bukole buonsu, ke Mvidi Mukulu. Neabasombuele kuudi.

Nsumuinu 22:23

Bualu Maweja-Nangila neabakuile; kabidi neashipe badi babanyenga bintu.

Misambu 75:7

Numanye ne: lupandu luenu kaluena lufuma kudi diba dipatukila, nansha kudidi dibuelela. Kaluena lufuma ku mikuna nansha ku tshipela.

2 Samuele 16:20

Ke Absalome kuambila Akitofele ne: — Konkanganayi! Tshitudi mua kuenza mpindiewu ntshinyi?

2 Samuele 15:31

Kuambilabu Davide ne: Akitofele udi munkatshi mua bantu badi ku luseke lua Absalome, bakeba mua kuangata bukalenga. Ke Davide kuamba ne: “Maweja-Nangila ndi nkusengelela ne: ngenyi yonsu idi Akitofele ufila, ikale ya budingidingi, kayiyi mimpe to”

2 Samuele 18:8

Mvita ivua mitangalaka mu ditu dijima. Bantu bavua badifuile nkayabu muitu, bavua ba bungi, bapite bavuabu bashipe mu mvita.

Misambu 7:7

Maweja-Nangila, juka panshi, tshiji tshiebe tshilunduke. Imana pankatshi petu ne bena tshikisu badi bankengesha. Undumbuluile, bualu wewe udi ukosa nsambu pa yoyi.

Misambu 7:9

Maweja-Nangila, wewe mulumbuluishi wa bisamba, kosa tshilumbu tshianyi pa tshiotshi, leja buakane buanyi patoke ku bantu.

Misambu 54:3

Mvidi Mukulu wanyi, umpandishe bua bantu banemeke dina diebe. Umbingishe, bualu udi ne bukole bua kuenza nanku.

Misambu 140:5

Maweja-Nangila, undame bua tshiponyi mu bianza bia bantu babi; umpandishe kudi bena tshikisu, badi belangana meji a kunteya mukolu.