Misambu 32:11 - MUKANDA WA MYIDI MUKULU

¹¹ Maweja-Nangila anusankishe nuenu, bantu bende. Nuenu badi bamuitaba, katshilayi, tuayi tshianga.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nuikale ne disanka mu Yehowa, nusanke bikole, nuenu bantu bakane; elai mbila bua disanka dienu, buonso buenu badi bakane mu mitshima yenu!

Misambu 32:11 Referans Kwoze

Misambu 64:10

Badi bakema, balondelangana bivua Mvidi Mukulu muenze, bumvua bimpe tshivuaye mubenzele nanku.

Filipe 4:4

Sankayi matuku onsu, bualu nudi badisange ne Mfumu. Ndi ngambulula ne: sankayi.

Misambu 97:12

Nuenu bantu bakane, nusanke bua Maweja-Nangila, numutumbishe, nuvuluke tshijila tshiende.

Misambu 97:1

Maweja-Nangila udi mukalenga, buloba bujima busanke, bantu bonsu badi kule basanke!

Misambu 5:11

Mvidi Mukulu wanyi, ubanyoke, mbena tshibawu. Mateyi avuabu batuteya, abakuate bafue. Ubipate muaba uudi, bualu bubi buabu mbupite. Badi anu bakutombokela.

Misambu 68:3

Udi ubatangalaja, bu mudi muinshi utangalaka, ujimina. Padiye umueneka, baluishi bende badi bateketa mu maboku, bu mudi manyi enguluka ku kapia.

Misambu 33:1

Nuenu bantu ba Maweja-Nangila, mukobuelayi! Amu nuenu badi bakumbaja bidiye musue, ke badi mua kumutumbisha!

Dielulula 12:12

Muaba wa Maweja-Nangila Mvidi Mukulu wenu awu, nenusanke bonsu, nuenu, bana benu ne bena mudimu benu. Kabidi bena Levi, badi basa mu bimenga bienu, kabayi ne wabu muaba wa kuasa munkatshi muenu, nebasanke pabu.

Filipe 3:3

Bualu badibu bateka panshi menemene mu bulelela ntuetu, ki mbobu nansha. Bualu tuetu tudi tutendelela Mvidi Mukulu ku bukole bua Mueyelu wende. Tudi tuditemba amu bua Yezu Kristu. Katuena tutekemena ku bidi bantu benza.

Filipe 3:1

Nanku bana hetu, nusanke bua panudi badisange ne Mfumu. Kabiena bintonda bua kunufundila amu malu a momumue. Bualu malu awu adi anulengelela.

Rome 5:11

Ki ngamu nanku to! Kadi tudi mua kuditumbisha kabidi munda mua Mvidi Mukulu, bualu bua Mfumu wetu Yezu Kristu, uvua mupingaje mpindiewu diumvuangana pankatshi petu ne Mvidi Mukulu.

Zekâya 4:7

Kuambaye kabidi ne: “Mukuna munene ewu udi mua kukupangisha mua kukumbaja mudimu webe anyi? Zerubabele neaulandakaje. Neangate ku mukuna ewu dibue dia ndekelu dia kuteka ku musonga wa nzubu mupiamupia wa Mvidi Mukulu. Bantu nebele mbila ne: Kia! Nzubu bulenga nenku! Nzubu mulenga!”

Misambu 125:4

Maweja-Nangila, bantu baudi mumone bakane ne ba malu mimpe, ubenzele bimpe.

Misambu 32:2

Udi muena diakalenga, padi Maweja-Nangila, kayi ukutangila bu muena tshibawu, kayi usangana dishima munda muebe!

Misambu 7:10

Jikija buenzayi bua bantu babi. Kankamika badi bakulamata. Wewe Maweja-Nangila muena buakane, ujingulule meji ne majinga bidi munda mua muntu.

1 Samuele 2:1

Ane kutendelela Maweja-Nangila, wamba ne: Maweja-Nangila mmunsankisha bikole. Ndi ne disanka bua bionsu bidi Maweja-Nangila mungenzela, tuambilambila, tuafua bundu. Ndi ne musangelu, Mvidi Mukulu mmungambuluishe.

Misambu 98:4

Nuenu bantu ba pa buloba bujima, elelayi Maweja-Nangila tunkunduluila, nuele mbila ya disanka, numuimbile misambu.