Misambu 30:2 - MUKANDA WA MYIDI MUKULU

² Maweja-Nangila, ndi nkutumbisha, bualu uvua mumpandishe, kuvua muanyishe bua baluishi banyi banseke.

Mukanda wa Nzambi Dihungila Dikulukulu ne Dihungila Dihia-dihia 2003

² Ke, Yehowa Nzambi wanyi, nakadila kudi bua wewe unkuatshishe, ne wewe wakunsangasha.

Misambu 30:2 Referans Kwoze

2 Bakalenga 20:5

bua apingane kudi Izkiya, mukalenga wa bantu ba Maweja-Nangila, amuambile ne: “Maweja-Nangila Mvidi Mukulu wa nkambua webe Davide udi wamba ne: Ndi mumvue ditendelela diebe, kabidi ndi mumone binsonji biebe. Nanku ndi musue kujikija disama diebe. Papita matuku asatu, mutuadije kuya kabidi mu nzubu wa Mvidi Mukulu.

Misambu 6:2

Maweja-Nangila, udi mumfikile munda, kadi kunnyoki. Udi muntekele tshiji, kadi lekela kunkengesha.

Misambu 147:3

Udi usamba bantu badi ne dibungama mu muoyi, ubondapa padibu batapika.

Ekesode 15:26

Maweja-Nangila kubambila ne: “Nuenu bateleje diyi dianyi meme, Maweja-Nangila, Mvidi Mukulu wenu, bakumbaje bilenga bindi nnuambila, batumikile mikenji yanyi, tshiakunutumina dikenga nansha dimue, bu mumvua mutumine bena Ejipitu. Bualu meme ndi Maweja-Nangila, udi unondapa.”

Misambu 88:13

Badi mua kumanya malu ebe a kukema mu miidima mikole anyi? Mu ditunga didi bantu bikale ne tshipua muoyi, badi mua kumanya buakane buebe anyi?

Genese 20:17

Kadi Abrahame kulomba kudi Mvidi Mukulu bua apandishe Abimeleke, apandishe kabidi mukajende ne bakaji bende bapika, bua bamone mua kulela bana tshiakabidi.

Misambu 51:8

Kadi wewe udi musue amu bua muntu ambe malu malelela kayi usokoka bualu. Undongeshe, bua kondu kanyi ka munda kikale katuuta pa bualu.

Misambu 118:18

Bulelela, Maweja-Nangila udi munkengeshe, kadi kena munshipe to.

Misambu 35:24

Maweja-Nangila, wewe udi ukosa nsambu pa yoyi, nanku umbingishe! Mvidi Mukulu wanyi, kabandembakaji!

Misambu 41:12

Pikala muluishi wanyi katshiyi udikokola pa tshiadi, nenjadike bushuwa ne: udi munnange!

Misambu 145:1

Musambu wamu mukanda wa misambu ya Davide, bua kutumbisha nawu Mvidi Mukulu. Mvidi Mukulu wanyi, wewe udi Mukalenga, nemmanyishe bantu buneme buebe, nenkuele tuasakidila kashidi.