Misambu 27:1 - MUKANDA WA MYIDI MUKULU

¹ Musambu wa mu mukanda wa misambu ya Davide. Maweja-Nangila udi bukole buanyi, kabidi mumpandishi wanyi, tshiena mua kuzakela muntu to. Maweja-Nangila udi undama, tshiena ntshina muntu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa udi munya wanyi ne luhandu luanyi; nentshine nganyi? Yehowa udi ngumbu ya nvita mu muoyo wanyi; udi mua kunkuatshisha buowa nganyi?

Misambu 27:1 Referans Kwoze

Ebrewu 13:6

Ke patudi tujadika ne muoyi mushindame ne: “Maweja-Nangila udi ungambuluisha, tshiena ntshina tshintu nansha tshimue. Tshidi muntu mua kungenzela ntshinyi?”

Misambu 118:6

Maweja-Nangila udi nanyi, tshiena ntshina tshintu. Bantu nebangenze tshinyi?

Ekesode 15:2

Maweja-Nangila udi bukole buanyi. Anu yeye ke Musungidi wanyi. Udi Mvidi Mukulu wanyi. Ndi tumutumbisha. Udi Mvidi Mukulu wa tatu wanyi. Ndi mmanyisha bantu bunene buende.

2 Korente 12:9

Kungandamunaye ne: “Tshiudi natshi dikenga, ke amu dinanga dindi nkunanga nadi, bualu bukole buanyi budi budileja patoke paudi muena butekete.” Ke mundi musue kuditemba nangananga bua butekete buanyi, bua bukole bua Kristu buntulukile.

Misambu 84:11

Bualu kusomba dituku dimue mu lubanza lua nzubu webe wa kutendelela, nkupite kusomba matuku tshinunu munga muaba. Mvidi Mukulu wanyi, kuimana kumbelu kua nzubu webe, nkupite kusomba mu ntenta ya bantu babi.

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

Yowanane 8:12

Yezu kulongesha kabidi bantu, ubambila ne: — Meme ndi butoke bua badi pa buloba. Muntu udi undonda katshia kena wenda mu miidima, kadi neikale ne butoke bua muoyi.

Yeshaya 12:2

“Monayi mudi Mvidi Mukulu umpandisha. Ndi ne ditalala munda, tshiena ntshina tshintu to. Maweja-Nangila ke bukole buanyi. Ndi mmuimbila, bualu uvua munsungidile.”

Yeshaya 61:10

Ndi ngela Maweja-Nangila tuasakidila muanyi muonsu. Ndi ntumbisha Mvidi Mukulu wanyi ne musangelu, bualu dingambuluisha diende didi bu tshivualu tshidiye umvuadika. Lupandu ludiye untuadila, ludi bu tshinkutu tshidiye umbuikila. Ndi ne disanka bu dia musedianganyi mupiamupia, udi wasa tshifulu tshia tshibilu, nansha bu dia nsongakaji udi ubuela mu dibaka, uvuala bilengejilu biende.

Misambu 62:6

Kudi Mvidi Mukulu ke kundi mpeta dikisha, kudiye ke kundi ntekemena.

Misambu 18:28

Udi usungidila badi badipuekesha, upetula badi baditambisha.

Yobe 29:3

diba divua Mvidi Mukulu untemeshila muendu wende, butoke buawu bungambuluisha bua meme kupita mu miidima!

Filipe 4:13

Bu mudi Kristu unkolesha, ndi mua kupitshila mu bionsu amu bimpe.

Misambu 118:21

Maweja-Nangila, nenkutumbishe, bualu uvua mungitabe, mungambuluishe.

Misambu 19:14

Ungepule ku ditambisha, bua kadivu kumpita bukole. Nanku nengikale tshiyi kalema, tshiyi muena tshibawu.

Didimanyisha 21:23

Tshimenga katshiena tshikengela butoke bua diba, nansha bua ngondu, bualu butumbi bua Mvidi Mukulu budi butshitokesha; kabidi Muana wa mukoku ke muendu watshi.

Misambu 62:2

Kudi Mvidi Mukulu ke kundi mpeta dikisha, kudiye ke kundi ntekemena lupandu.

Yeshaya 2:5

Nuenu, ndelanganyi ya Yakobe, vuayi, tuende bonsu pamue, mu butoke bua Maweja-Nangila.

Misambu 18:46

Kabena bantuila nkanana. Badi bapatuka miaba ivuabu basokome, bazakala.

Didimanyisha 22:5

Butuku kabuakuikala kabidi to. Kabakukengela munya, nansha muendu. Bualu Maweja-Nangila Mvidi Mukulu neabakenkeshile butoke buende. Nebadie bumfumu kashidi.

Yowanane 1:9

Butoke ebu ke butoke bulelela budi bufika pa buloba bua kutokesha bantu bonsu.

Didimanyisha 7:10

Bavua bela mbila mikole, bamba ne: “Lupandu luetu ludi lufuma kudi Mvidi Mukulu wetu udi musombe mu nkuasa wa butumbi, ne kudi Muana wa mukoku!”

Luke 2:30

Bualu ndi mudimuene lupandu luebe,

Misambu 11:1

Musambu wa mu mukanda wa mulombodi wa misambu, kabidi wa mu mukanda wa misambu ya Davide. — Ndi nsokoma kudi Maweja-Nangila. Munudi nungamba ne: “Buuka bu nyunyi mu mikuna” mmunyi?

Misambu 3:8

Maweja-Nangila, juka, Mvidi Mukulu wanyi, unsungidile. Wewe ke udi ututa baluishi banyi ku mbanga, upola menu a bantu babi.

Luke 3:6

Nanku bantu bonsu nebamone mudi Mvidi Mukulu ubasungidila.

Matayi 8:26

Yezu kubakonka ne: — Tshinudi nutshina ntshinyi? Ditaba dienu ndikese ditambe! Ke Yezu kujuka, kukanyina tshipepele, ne mayi a dijiba. Kubatamabi bataa.

Yeshaya 45:24

Nebambe ne: “Amu kudi Maweja-Nangila nkayende, ke kutudi tupeta bukole, ke kutudi mua kutshimuna.” Bonsu bavua banduishe, nebafike kundi ne bundu.

Misambu 43:2

Bualu wewe, Mvidi Mukulu ke mulami wanyi. Tshiudi mumbengele ntshinyi? Ndi nkenga, tshiyi ne dikisha, bualu kaayi? Mudi baluishi banyi bankengesha nenku mbishi?

Dielulula 7:18

Kanubitshinyi! Nuvuluke muvua Maweja-Nangila Mvidi Mukulu wenu muenze ne mukalenga wa bena Ejipitu, ne bantu bende bonsu.

Dielulula 7:21

Kanutshinyi bisamba ebi to. Maweja-Nangila Mvidi Mukulu wenu udi nenu. Kakuena muntu udi mua kuambangana nende to.

Misambu 18:29

Maweja-Nangila udi untokeshila njila, umusha miidima muaba undi ngenda.

Yirmeya 20:11

Kadi Maweja-Nangila wewe udi ne bukole! Wewe udi unduila meme mvita. Badi bankengesha, badishinde. Nebapange tshia kuenza. Bu mudibu kabayi bapeta tshintu, nebafue bundu. Kakuena muntu wapua bualu ebu muoyi.