Misambu 23:1 - MUKANDA WA MYIDI MUKULU

¹ Musambu wa mu mukanda wa misambu ya Davide. Maweja-Nangila, ke wanyi mundami. Nanku tshiakukenga tshintu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa udi mulami wanyi, tshiena nkengela tshintu;

Misambu 23:1 Referans Kwoze

Filipe 4:19

Bilondeshile biuma biende ne butumbi buende, Mvidi Mukulu neanupeshe kudi Yezu Kristu bionsu binudi nukengela.

Yowanane 10:11

Ndi mulami muimpe wa mikoku. Mulami muimpe wa mikoku udi ufuila mikoku yende.

Yeshaya 40:11

Udi bu mulami wa mikoku, udi usaka mikoku yende. Udi utuma amu tshianza, uyikunguja kaba kamue. Udi wambula bana ba mikoku mu tshiadi tshiende, usaka bitulu bitulu mikoku idi yamusha tuana.”

Yowanane 10:14

Ndi mulami muimpe wa mikoku. Mudi Tatu mummanye, kabidi mundi mumanye Tatu, ke mundi mumanye mikoku yanyi, mikoku yanyi kabidi idi mimmanye. Ndi mfila kabidi muoyi wanyi bua mikoku yanyi.

Didimanyisha 7:17

Bualu Muana wa mukoku udi munkatshi mua nkuasa wa butumbi neikale mulami wabu. Neabafikishe ku mpokolu idi ne mayi adi afila muoyi. Mvidi Mukulu neabakupule binsonji bionsu ku mesu.

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.

1 Petro 2:25

Bualu nuvua bu mikoku mipambuke njila. Kadi mpindiewu mbanupingaje kudi mulami udi mua kunuludika mu njila, kulama mioyi yenu.

1 Petro 5:4

Nanku pamueneka Mfumu wa balami ba mikoku, nenupete nsala wa butumbi, udi kashidi kayi ututuka.

Misambu 84:11

Bualu kusomba dituku dimue mu lubanza lua nzubu webe wa kutendelela, nkupite kusomba matuku tshinunu munga muaba. Mvidi Mukulu wanyi, kuimana kumbelu kua nzubu webe, nkupite kusomba mu ntenta ya bantu babi.

Rome 8:32

Kavua nansha muengeleke Muanende to. Uvua mumufile bualu buetu bonsu. mMunyi mudiye kayi mua kutupesha bionsu pamue ne Muanende?

Ebrewu 13:20

Mvidi Mukulu uvua mubishe ku lufu Mfumu wetu Yezu, udi mulami munene wa mikoku, ku mashi a mulambu wende, adi ajadika ndondu wa tshiendelele.

Mika 5:4

Yeye neafile ditalala. — Pikala bena Ashure bafika bua kukuata ditunga dietu, babuela mu nzubu ya bakalenga betu, netubatumine bamfumu tshisumbu tshinene bua kubaluisha.

Misambu 78:52

Pashishe kutumaye bantu bende, bu tshisumbu tshia mikoku tshidi tshipatuka mu tshikumbi, kuyaye ne bantu bende mu tshipela bu mudi muntu ulombola mikoku yende.

Yirmeya 31:10

Nuenu bisamba bikuabu, telejayi tshidi Maweja-Nangila wamba. Numanyishe bantu too ne ba mu bidiila bidi kule ne: “Maweja-Nangila uvua mutangalaje bena Izrayele. Kadi mpindiewu udi mubakunguje. Udi ubakuba mudi mulami wa mikoku ukuba mikoku yende.”

Misambu 79:13

Kadi tuetu bantu bebe, mikoku ya mu tshikumbi tshiebe, netukuimbile misambu kashidi, tukutumbishe mu nkama ne nkama ya bidimu.

Mika 5:2

Maweja-Nangila nealekele bantu bende mu bianza bia baluishi babu, too ne ku tshikondu tshidi mukaji udi kulu ulela muana wa balume. Diba adi bantu badi bashala ne muoyi mu bupika, nebapingane mu ditunga diabu, bua kudisangisha ne bena Izrayele bakuabu.

Misambu 34:11

Baneme kabena pa kusokoma, bua tshiyole ne bua nzala. Kadi badi batekemena Maweja-Nangila, nebapete bionsu bidibu bakengela.

Yezekiyele 34:14

Nennyifikishe mu mpata mimpe. Neyikale ne biakudia biayi bivule pa mikuna ya mu ditunga dia Izrayele. Eyowa, neyikale ne biakudia bimpe, kabidi miaba idiyi mua kuikishila mu mpata minene idi ne bisosa bitekete.