Misambu 22:11 - MUKANDA WA MYIDI MUKULU

¹¹ Amu bandela, wewe kushala ndeji wanyi! Amu mmona diba, wewe ukavua Mvidi Mukulu wanyi!

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Kuikadi nʼanyi kule; bualu bua dikenga didi ha buihi, ne kakuena munkuatshishi.

Misambu 22:11 Referans Kwoze

Misambu 71:12

Mvidi Mukulu, kuikadi nanyi kule. Mvidi Mukulu wanyi, luaku lukasa, ungambuluishe!

Misambu 72:12

Neapikule muena dikenga udi umusengelela, kabidi ne mupele udi kayi ne mumuambuluishi.

Misambu 10:1

Maweja-Nangila, udi muimanyine kule bua tshinyi? Udi musokome patudi mu dikenga bualu kaayi?

Ebrewu 5:7

Patshivua Yezu pa buloba, uvua ulomba Mvidi Mukulu, umutendakena, wela mbila mikole, ne binsonji ku mesu, kudi uvua mua kumusungila ku lufu. Mvidi Mukulu kumuteleja bualu Yezu uvuaumutumikila.

Yowanane 16:32

Kadi tshikondu netshifike, — ntshimane kufika mene — tshianutangalajabu bonsu buenu, muntu yonsu ku nzubu kuende. Nenunshiye nkayanyi. Kadi tshiena nkayanyi to, bualu Tatu udi nanyi.

Misambu 38:21

Badi bampingajila bibi pa bilenga bimvua mubenzele. Badi bantandisha, bualu ndi musue kuenza bimpe.

Misambu 35:22

Kadi wewe Maweja-Nangila uvua mudimuene bionsu bivua bienzeka. Nanku kupuwi, kundekedi nkayanyi!

Yeshaya 63:5

Meme kukenzakana, kukeba muntu wa kungambuluisha! Kupanga! Meme kukema, kupanga muntu uvua mua kunkolesha ku muoyi. Kadi meme kushindika bua kukuata mudimu nkayanyi. Tshiji tshianyi tshivua tshimpesha dikanda.

Misambu 69:18

Ndi muntu webe, kunsokomi. Ndi mu dikenga dinene, ungitabe lukasa.

2 Bakalenga 14:26

Bualu Maweja-Nangila uvua mumone dikenga dikole divua nadi bena bukalenga ebu. Bualu kakuvua muntu nansha umue utshivua mua kuambuluisha bena Izrayele to.

Dielulula 32:36

Padi bena Izrayele kabatshiyi ne bukole, kabayi ne muntu udi mua kubambuluisha. Maweja-Nangila neabafuile luse. Neabambuluishe, akosa nsambu yabu pa yoyi.

Matayi 26:56

Kadi bionsu abi mbienzeke bua kukumbaja miaku ya bambi idibu bafunde mu Mikanda ya tshijila. Ke balongi bende bonsu kumushiya, kunyema.

Matayi 26:74

Ke Petro kuamba ne: — Bu meme nshima, Mvidi Mukulu annyoke! Ndi nditshipa ne: tshiena mumanye muntu ewu nansha! Amu diba adi, tshitala kusamatshi.

Matayi 26:72

Ke Petro kuyila tshiakabidi, ujadika ne: — Ndi nditshipa ne: Tshiena mumanye muntu ewu to.

Misambu 71:6

Katshia bandela, wewe ke tshipanda wa nshindamenu. Katshia ngamona diba, amu wewe ke uvua mundame. Ke pandi nkutumbisha diba dionsu.