Misambu 2:9 - MUKANDA WA MYIDI MUKULU

⁹ Neubutekeshe ne dikombu dia tshiamu. Neubuzaze bu luesu lua dibumba.”

Mukanda wa Nzambi Dihungila Dikulukulu ne Dihungila Dihia-dihia 2003

⁹ Wewe neubatshibule ne dikombo dia tshiamu; neubasunsulule bu mudibo basunsula luesu lua mufumbi wa ngesu.

Misambu 2:9 Referans Kwoze

Didimanyisha 12:5

Ke mukaji kulela muana wa balume, wavua kuludika matunga onsu ne dikombu dia tshiamu. Kadi kubakulabu muana, kuya nende too ne ku nkuasa wa butumbi wa Mvidi Mukulu.

Misambu 89:23

Muluishi kena mua kumujikila nansha, ntomboji kena mua kumufuisha bundu.

Didimanyisha 19:15

Mukana muende muvua mupatuka muele mutue wa kutapa nawu bisamba bidi bimubenga. Neabiludike ne dikombu dia tshiamu. Neabizaze mudibu bazaza tumuma tua nwinyo mu tshikaminu. Ke mudiye utalaja tshiji tshia Mvidi Mukulu wa bukole buonsu tshidi tshikuatshisha bantu buowa.

Yeshaya 30:14

tshibumbuka, bu mulondu uvuabu bafumbe, upandika tupese tupese, padibu baushipa! Kabena mua kupeta tshiyoyi tshidibu mua kuambula natshi dikala dia kapia mu mbabula, nansha tshidibu mua kuangata natshi mayi, nansha wowu makese matengebele panshi.”

Danyele 2:44

“Mu matuku adi bakalenga aba mu bumfumu, Mvidi Mukulu wa mu diulu neajule bukalenga bukuabu budibu kabayi mua kubutula nansha musangu umue. Tshisamba tshikuabu katshiena mua kuangata bukalenga abu nansha. Bukalenga abu nebubutule makalenga onsu adi mabudianjidile. Nebuashidishe, kadi bobu nebujalame kashidi.

Yirmeya 19:11

Neubambile ne: “Maweja-Nangila wa bukole buonsu udi wamba ne: nenshipe bantu aba ne tshimenga etshi, amu mudibu bashipa mulondu wa diima, kabayi mua kuufimba kabidi.” “Nebajike bantu mu Tofete, bualu kakuena muaba mukuabu wa bafue to.

Matayi 21:44

Muntu wadishinda pa dibue edi, neatshibukilepu. Kadi pikala dibue diponena muntu, nedimuvingutule.]

Yeshaya 60:12

Kadi tshisamba tshionsu, nansha bukalenga buonsu, bidi bibenga kukuenzela mudimu, nebijimine. Bisamba abi nebibutuke.

Yirmeya 13:14

Nembatutakaje mitu, baledi ne bana, bu mudibu batutakaja mulondu ne mukuabu. Tshiakufuila muntu nansha umue luse to. Nembabutule bonsu tshiyi nansha ne luse kashidi kanyi!”

Danyele 2:45

Uvua mumone dibue dilamuka ku mukuna, kadiyi dinyungisha kudi muntu, bua divue kusunsula tshiamu tshifiike, tshikunze, buloba bosha, tshiamu tshitoke tshia mushinga mukole, ne tshiamu tshia mpawungi bivua ku lupingu. Mvidi Mukulu udi nkumanyisha wewe, Mukalenga, malu adi ne bua kuenzeka matuku adi kumpala. Tshilota tshiebe mbualu budi Mvidi Mukulu mukuleje bulelela. Dijingulula dindi mukuambile didi pa diodi.”

Mika 5:8

“Eyowa, luisha baluishi bebe, ubashipe, ubasunsule!