Misambu 15:3 - MUKANDA WA MYIDI MUKULU

³ Kena unyangila bakuende lumu, kena wenzela balunda bende bibi, kena upenda muena mutumba.

Mukanda wa Nzambi Dihungila Dikulukulu ne Dihungila Dihia-dihia 2003

³ Nyeye udi kayi wela mukoso ne ludimi luandi, udi kayi wenzela mulunda wandi bibi, udi kayi unvua mei a bunsonge adibo bamba bua muena mutumba nʼandi.

Misambu 15:3 Referans Kwoze

Rome 13:10

Muntu udi unanga mukuabu, kena umuenzela bualu bubi nansha bumue. Patudi tunangangana, tudi tukumbaja mikenji yonsu mu bujima buayi.

Yakobe 4:11

Bana hetu, kanujananganyi to. Udi ujana muanabu, nansha umupisha, udi ujana mikenji, nansha uyipisha. Kadi paudi upisha mikenji, kuena uyitumikila kabidi, bualu udi uyitangila bu mibi.

Matayi 7:12

— Enzelayi bakuabu bionsu binudi basue bua banuenzele. Ke bidi mikenji ya Moshe mufundila, ke bidi bambi banulongesha.

Lewitiki 19:16

Kanujanyi bena diku dienu to. Kanufundi mukuenu ku tshilumbu tshidibu mua kumufundila tshibawu tshia lufu to. Bualu Meme ndi Maweja-Nangila.

3 Yone 1:11

Mulunda wanyi, kuidikiji bualu budi bubi, kadi idikija amu malu mimpe. Muntu udi wenza malu mimpe, udi wa Mvidi Mukulu. Udi wenza bibi, kena muanji kumona Mvidi Mukulu.

Rome 1:30

bajanangana; badi bakina Mvidi Mukulu, baleja dikamakama, baditambisha, baditemba. Badi bela meji ku malu mabi mapiamapia adibu mua kuenza. Badi batombokela baledi babu.

Yeshaya 56:2

Muntu udi wenza bindi ngamba, udi ulama bimpe mikenji yanyi, unemeka bimpe dituku dia Dikisha, kayi wenza bualu bubi nansha bumue, ngwa diakalenga!”

Nsumuinu 25:3

Katuena bamanye kudi diulu diye kushikidila mulu. Katuena bamanye kudi buloba buye kushikidila muinshi. Katuena bamanye menemene meji adi mu mioyi ya bakalenga.

Nsumuinu 22:10

Ipata muena ditambisha, matandu neakoseke, mitoyi ne bipendu nebijike.

Tite 3:2

Kabajanyi muntu. Bikale bakebi ba bupole, badi bamanye mua kutuangaja bantu. Bikale kabidi ne diyi dimpe kudi bantu bonsu, kabayi bapungila.

Rome 12:17

Kanupingajidi muntu bubi ku bubi. Nukebe kuenza malu mimpe kumpala kua bantu bonsu.

1 Samuele 24:11

Lelu ewu, ujadike ne: Maweja-Nangila uvua mukufile mu bianza bianyi mu lubuebue emu. Bakungambila bua meme kukushipa. Kadi meme kukufuila luse. Tshivua musue kukushipa to. Bualu Maweja-Nangila ke uvua mukusungule bua wikale mukalenga.