Misambu 148:12 - MUKANDA WA MYIDI MUKULU

¹² Nuenu bana ba balume ne ba bakaji, bansongalume ne bakulumpe, numutumbishe.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bansongalume ne bansongakashi kabidi, bantu banunu ne bana, bamutumbishe!

Misambu 148:12 Referans Kwoze

Luke 19:37

Yezu uvua usemena pabuipi ne Yerushalayime mu njila udi upueka ku mukuna wa mitshi ya Olive. Balongi bende bonsu tshisumbu tshinene bavua ne disanka, batumbisha Mvidi Mukulu ne diyi dikole, bua malu a kukema onsu avuabu bamone.

Zekâya 9:17

Mu ditunga diabu dimpe ditambe, nemuikale diakalenga dinene. Ntete ya bukula, ne maluvu mapiamapia, nebipeshe bansongalume ne bansongakaji mubidi muimpe mupite.

Yirmeya 31:13

Nanku, bansongakaji nebaje maja a disanka. Nansha bansongalume mene, ne bakulumpe nebasanke. Bualu Maweja-Nangila udi wamba ne: Nenkudimune kanyinganyinga kabu, kandamuke disanka. Nembasambe, ngumusha ntatu buabu nayi. Nembuwuje ne disanka.

Misambu 68:25

Mvidi Mukulu, tuetu kumona bantu bebe batue milongu, benda luendu lua mazengu mu nzubu webe wa tshijila. Eyi! Mvidi Mukulu wanyi, Mukalenga wanyi!

Misambu 8:2

Eyi Mfumuetu, Maweja-Nangila, butumbi buebe mbunene pa buloba bujima! Bunene buebe mbupite bua diulu.