Misambu 146:4 - MUKANDA WA MYIDI MUKULU

⁴ Padibu bafua, badi babajika, malu avuabu bapangadika mua kuenza adi ajimina bu bobu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Muhuya wandi udi uhatuka, udi uhingana kabidi ku dinfuenkenya diandi; mu dituku dine adi malu akadiye uhangidisha adi ajimina.

Misambu 146:4 Referans Kwoze

Muambi 12:7

Diba adi, mubidi wa muntu neupingane mu buloba muvuawu mufume. Mueyelu wa muoyi neupingane kudi Mvidi Mukulu uvua mumupeshawu.

Misambu 104:29

Paudi usokoka mpala webe, bidi bitshina, paudi ubinyenga mueyelu, bidi bifua, bipingana lupuishi kabidi.

Genese 2:7

Maweja-Nangila Mvidi Mukulu kuangata dima, kufuka nadi mulume, kumuela mueyelu wa muoyi mu mimpempe ya diulu, mulume kushala tshifukibua tshidi tshienda ne muoyi.

Genese 3:19

Neupete tshiakudia tshiebe anu ku tshisululu tshia mu mpala muebe, too ne pawapingana mu buloba bundi mukufuke nabu. Udi lupuishi, newandamuke kabidi lupuishi.

1 Korente 2:6

Numanye ne: malu atudi tulongesha adi a meji, kadi amu bua bantu bakadi bashindame mu malu a Mvidi Mukulu. Nanku meji aa ki nga panu, nansha a bamfumu badi balombola buloba, bualu badi ne bua kubutuka.

Misambu 33:10

Maweja-Nangila udi utupakaja ngenyi ya bukua bisamba, upumbisha meji adi bantu bela.

Yobe 27:3

Matuku onsu andi ne muoyi panu, adi Mueyelu wa Mvidi Mukulu mu diulu dianyi,

Yobe 17:11

Matuku anyi a panu mmamane kusemena, bimvua muele meji bua kuenza, bimvua mujinge kabiakukumbana nansha.

Yobe 14:21

Padibu bapesha bana bende lumu, kena mumanye bualu nansha bumue. Padibu babapepeja, kena umona to.

Danyele 5:23

Wakupetula Mvidi Mukulu wa mu diulu, pauvua muele diyi bua bakutuadile makopu a tshijila a mu nzubu wa Mvidi Mukulu. Nuakunuinamu maluvu, wewe, bantu banene ba mu bukalenga buebe, bakaji bebe ba biuma, ne baudi mubanjije. Kabidi udi mutumbishe mvidie idibu bafula ne tshiamu tshitoke tshia mushinga mukole, tshia mpawungi, tshiamu tshikunze ne tshifiike, ne mvidie idibu basonga ne mabaya, kabidi ne mabue. Ke mvidie idi kayiyi imona, kayiyi yumvua, kayiyi mimanye tshintu. Uvua mubenge kutumbisha Mvidi Mukulu, udi mukulame, mumanye malu ebe onsu.

Muadi 4:20

Muntu utuvua batekemene, mukalenga uvua Maweja-Nangila mumane kujidila, nyeye utuvua tuamba ne: “Mu bukalenga buende netuikale ne muaba munkatshi mua bisamba bikuabu”, monayi, nyeye ewu bamukuate mu dijimba dia muluishi!

Yeshaya 2:22

Lekelayi kutekemena kudi muntu, bualu muoyi wa muntu udi amu mueyelu wa katupa. Muntu udi tshintu tshia mushinga anyi?

Misambu 90:3

Udi upingaja bantu mu lupuishi, ubambila ne: “Pinganayi kunudi bafuma.”

Yobe 17:1

Ndi ngeyela ne lutatu, muoyi wanyi mmushikile munda, lukita luanyi lukadi buashi.

Yobe 14:10

Kadi padi muntu ufua, kuende nkujika! Neumukebele penyi?

Genese 6:17

Meme nenguwuje buloba ne mayi a tshipupu, bua kubutula bionsu bidi ne muoyi pa buloba. Tshintu tshionsu tshidi ne muoyi pa buloba netshifue.

Muambi 9:6

Mbamane kujimina, dinanga diabu, nkinu yabu, ne mikawu yabu, mbijimine kabidi. Kabakubuelakana kabidi mu malu adi enzeka pa buloba to.