Misambu 135:5 - MUKANDA WA MYIDI MUKULU

⁵ Ndi mumanye ne: Maweja-Nangila udi munene; Mukalenga wetu mmupite mvidie yonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua ndi mumanye ne, Yehowa udi munene, ne Mukelenge wetu udi ha mutu ha nzambi yonso

Misambu 135:5 Referans Kwoze

Misambu 97:9

Bualu wewe Maweja-Nangila, ke udi Mvidi Mukulu Muena kulu pa buloba bujima, udi ku mutu kua mvidie.

Misambu 95:3

Bualu Maweja-Nangila, udi Mvidi Mukulu munene. mMukalenga munene udi upita mvidie yonsu.

Misambu 48:1

Musambu wa mu mukanda wa misambu wa bena Kora.

Dielulula 10:17

Numanye ne: Maweja-Nangila udi mfumu wa mvidie yonsu, ne mukalenga wa bakalenga. Yeye ke Mvidi Mukulu munene ne wa bukole bonsu, udi bantu bonsu batshina. Kena ne kansungansunga to. Kena witaba mabuejilu to.

Danyele 3:29

Nenku ndi ntuma diyi ne: “Muntu ne wa mu tshisamba kaayi, wa ditunga kaayi, nansha wa muakulu kaayi, udi udiwula Mvidi Mukulu wa Shadrake, Meshake ne Abede-Nego, nebamukose bitupa bitupa, nebupule nzubu wende, neashale dikolu. Bualu kakuena mvidie mukuabu udi mua kusungidila bantu bu mudi ewu muenze.”

Yeshaya 40:25

Mvidi Mukulu wa tshijila udi ukonka ne: “Nenumfuanyikije ne nganyi? Udi mua kuikala nanyi mumue nnganyi?”

Yeshaya 40:22

Ke Maweja-Nangila udi usomba mu nkuasa wende, kulu kule ku mutu kua buloba. Udi umona bantu pa buloba, bamueneka bu tunkenene. Udi ubalula diulu, bu tshilamba tshinene tshidibu bakudika. Udi utshibalula bu ntenta, bua bantu basombe muinshi muatshi.

Misambu 89:6

Maweja-Nangila, batumibue, ba mu diulu batumbishe malu ebe a kukema, badibu nabu mu diulu batumbishe bulelela buebe!

Misambu 147:5

Maweja-Nangila wetu mmunene. Udi ne bukole buonsu, lungenyi luende kaluena kuamba.