Misambu 135:2 - MUKANDA WA MYIDI MUKULU

² bimana mu nzubu wa tshijila wa Maweja-Nangila, mu lubanza lua nzubu wa Mvidi Mukulu wetu.

Mukanda wa Nzambi Dihungila Dikulukulu ne Dihungila Dihia-dihia 2003

² nuenu badi bimane mu nsubu wa Yehowa, mu biendedi bia mu nsubu wa Nzambi wetu.

Misambu 135:2 Referans Kwoze

Misambu 116:19

mu lubanza lua nzubu wende wa tshijila, udi munkatshi muebe wewe, Yerushalayime. Tutumbishayi Maweja-Nangila, Aleluya!

Misambu 92:13

Kadi muntu muakane udi ukola, bu dibue dia ngaji, udi ulepa bu mutshi wa sedre wa mu Lebanone.

Luke 2:37

Pashishe kushalaye mukamba. Tshikondu atshi uvua mukumbaje bidimu makumi muanda mukulu ne binayi. Uvua ukuatshila Mvidi mukulu mudimu bufuku ne munya, kayi umuka mu nzubu wende. Uvua ujila biakudia, utendelela Mvidi Mukulu.

Misambu 96:8

Luayi numanyishe butumbi buende, buelayi mu lubanza lua nzubu wende, numutuadile milambu.

Nehemya 9:5

Pashishe, bena Levi aba: Yeshuwa, Kadmiyele, Bani, Ashabneya, Sherebiya, Odya, Shebanya ne Petakiya, ba-vua bela mbila mikole ne: — Jukayi kulu! Tumbishayi Maweja-Nangila Mvidi Mukulu wenu. Numutumbishe matuku onsu! “Maweja-Nangila, bantu bonsu batumbishe dina diebe dia lumu. Miaku itudi mua kuamba bua kukutumbisha nayi idi amu mikese.

1 Kulondolola 23:30

Bavua amu muaba awu dinda ne dilolu bua kutumbisha ne kusamuna Maweja-Nangila,

2 Kulondolola 35:5

Diku dionsu dia bena Levi nedikuate mudimu muaba wa tshijila, bua kuambuluisha bena Izrayele, bilondeshile meku abu.

Misambu 134:1

Musambu wa bena ngendu. Elayi Maweja-Nangila tuasakidila, nuenu bonsu badi bamuenzela mudimu, bimana mu nzubu muende butuku.