Misambu 135:12 - MUKANDA WA MYIDI MUKULU

¹² Kufilaye buloba buabu ku bumpianyi, ku bumpianyi bua tshisa tshiende tshia Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

¹² Wakahesha bantu bandi bukole buabo bu buhianyi, bu buhianyi kudi Bena Isalele, bantu bandi.

Misambu 135:12 Referans Kwoze

Misambu 78:55

Kuipataye bisamba bia bantu benyi bobu batangile, kubapeshaye buloba ebu, bu bumpianyi buabu. Kupingajaye bena Izrayele mu buloba bua bena Kanaane.

Yoshua 12:7

Pashishe Yoshuwa ne bena Izrayele kutshimuna bakalenga bavua luseke ludi diba dibuelela lua musulu wa Yardene. Matunga abu avua malabale, biangatshile ku Baale-Ngade udi mu tshibandabanda tshia mu Lebanone luseke lua ku mutu, too ne ku mukuna udi kauyi mitshi, udi pabuipi ne Seyire luseke lua kuinshi. Yoshuwa uvua muabanyine bena Izrayele matunga awu, bilondeshile bisamba biabu.

Yoshua 11:23

Yoshuwa kukuata ditunga dijima mu mvita, muvua Maweja-Nangila muambile Moshe. Yoshuwa kuabanyina bena Izrayele ditunga adi, bilondeshile bisamba biabu. Ke bena Izrayele kuanji kuikisha bua dipungi dia mvita.

Dielulula 29:8

Nanku nuvuluke ndondu wenu ne Maweja-Nangila, nukumbaje bidi ndondu awu unulomba, bua nuikale bena diakalenga mu bionsu binudi nuenza.

Dibadika 33:54

Bua nuenu kuabanyangana ditunga edi, nutshinke muaba udibu mua kuasa kudi bisamba bienu ne meku enu. Diku dionsu, nedipete muaba, bilondeshile bungi ba bantu badimu. Bantu banyishe muaba udibu babapesha, bilondeshile munuikala batshinke.