Misambu 127:2 - MUKANDA WA MYIDI MUKULU

² Nansha nuenu kabidi bajuka patshiatshia, bapitshisha diba dia kulala, baditatshisha bua kupeta tshiakudia tshienu, bidi tshianana. Maweja-Nangila udi utshipesha bantu bende, badiye munange patshidibu balale.

Mukanda wa Nzambi Dihungila Dikulukulu ne Dihungila Dihia-dihia 2003

² Ebu mbualu bua hatuhu ne, Nudi nubika hatshiatshia, nudi nunenga ha kulala butuku, nudi nudia bidia binuakukuatshila mudimu mukole; bualu bua yeye udi ubifila kudi bananga bandi hatshidibo balala tulu.

Misambu 127:2 Referans Kwoze

Muambi 5:12

Kudi bualu bubi bupite bundi mmona panu apa: ke mubanji udi uteka lupetu luende ku luseke, kadi ubuela amu mu dikenga.

Misambu 4:8

Kadi meme, Maweja-Nangila mmumpeshe disanka, dipite dia bantu badi banowa ntete ya kuenza bukula, nansha badi bapola tumuma tua kukama maluvu.

Yobe 11:18

Neusombe talala, muoyi muwule ne ditekemena tente. Neumone ne bionsu bidi bienda bimpe, nanku neulale kuyi utshina tshintu.

Misambu 3:5

Pandi mbikila Maweja-Nangila bua kungambuluisha, udi ungumvuila ku mukuna wende wa tshijila, ungandamuna.

Yirmeya 31:26

(Ke mudibu bamba ne: “Ke meme kujuka ku tulu kudiunwua ne bukole bua mubidi.”)

Yezekiyele 34:25

“Nemfile bupole munkatshi mua mikoku yanyi. Nengipate nyama yonsu ya lonji idi mu ditunga. Nanku mikoku yanyi neyisombe talala mu mpata, ilala nansha muitu.

Muambi 1:14

Meme kumona bionsu bidi bienzeka pa buloba. Bionsu ebi bidi patupu, bidi amu bu kuipatangana ne lupepele.

Muambi 6:7

Muntu udi wenza mudimu nangananga bua amone mua kudia kuukuta. Kadi nzala udi amu uyipeta.

Muambi 4:8

ke muntu udi amu nkayende, kayi ne mumuambuluishi, kayi mulele muana wa balume, kayi nansha ne muanabu wa balume. Kadi udi ukuata mudimu kayi wikisha to. Nansha yeye udikonka ne: undi mua kushila bindi mpeta ku mudimu wanyi ebi, tshiyi nsanka nabi nnganyi? Udi ukeba amu kukeba biuma bivule. Abi bidi amu patupu, kabidi ntshidimudimu tshia tshianana.

Misambu 60:5

Uvua mumueneshe tshisamba tshiebe mabika ne mala, mutunuishe dikopu dia tshiji, tuenda tutetuka.

Nsumuinu 10:22

Kabiena kuluila. Maweja-Nangila nkayende ngubipapa bantu.