Misambu 11:5 - MUKANDA WA MYIDI MUKULU

⁵ Udi mumanye bantu, ne badi bamulamata, ne badi bamubenga. Udi ukina muende muonsu badi bajula tshinyangu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Yehowa udi uteta muntu muakane; kadi mutshima wandi udi ne muntu mubi ne muntu udi musue malu a tshimbambila lukuna.

Misambu 11:5 Referans Kwoze

Yakobe 1:12

Muntu udi ulama ditaba padibu bamuteta, mmuena diakalenga. Yeye mumane kuleja muoyi mukole, neapete nsala wa kalumbandi. Nsala awu ke muoyi udi Mvidi Mukulu mulaye bonsu badi bamunanga.

1 Petro 4:12

Bana hetu basuibue, kanukemi bua diteta dikole didi dinukuata. Ki mbualu bupiabupia budi kabuyi buanji kuenzeka.

1 Petro 1:7

Makenga aa adi mua kujadika bukole bua ditaba dienu. Tshiamu tshia mpawungi tshidi tshintu tshia panu tshidi tshijimina. Kadi badi batshiteta mu kapia. Ke mudibu bateta mu makenga ditaba dienu, didi dipita tshiamu tshia mpawungi ku mushinga, bua kujadika bukole buadi. Nanku dituku diafika Yezu Kristu, nebanuele kalumbandi, nebanutumbishe, nebanupe lumu.

Misambu 26:2

Maweja-Nangila, unkonkonone, undumbuluishe, tangila munda muanyi majinga ne meji bindi nabi.

Misambu 7:9

Maweja-Nangila, wewe mulumbuluishi wa bisamba, kosa tshilumbu tshianyi pa tshiotshi, leja buakane buanyi patoke ku bantu.

Genese 22:1

Izake mumane kukola, Mvidi Mukulu kuteta Abrahame. Kumubikilaye ne: — Abrahame. Yeye kuitaba ne: — Ke meme ewu.

Misambu 21:8

Eyowa, mukalenga mmutekemene kudi Maweja-Nangila. Kena mua kutenkakana, bualu Mvidi Mukulu Muena kulu udi umuambuluisha.

Zekâya 11:8

Meme kuipata ku mudimu balami basatu ba mikoku, munkatshi mua ngondu umue. Kadi tshivua mulame mikoku ne lutulu, bualu ivua imbenga.

Yirmeya 12:8

Bavua banyi meme, kadi bavua bankanyina, banduisha bu nyama ya ntambue idi ikungula muitu. Nanku tshiena mubanange kabidi to.

Misambu 139:1

Musambu wa mulombodi wa bena misambu. Mu mukanda wa misambu ya Davide. Maweja-Nangila, udi mujingulule muoyi wanyi, udi mummanye:

Misambu 17:3

Butuku udi unkenketa, unjooja, unteta, kuyi unsangana ne bualu. Bindi ngela meji ke bindi ngamba.

Misambu 10:3

Muntu mubi udi uditambisha bua buenzayi buende. Muena lubombu udi utshipa Maweja-Nangila, umuseka.

Malaki 3:3

Neasombe panshi, bu mudi muntu udi wengulula, ulengeja tshiamu. Neumbushe mikiya yonsu ya batuangaji ba mu ndelanganyi ya Levi, pashishe bobu nebalambule milambu yabu kudi Maweja-Nangila. Neabatokeshe bu mudibu batokesha tshiamu tshia mpawungi, ne tshiamu tshitoke tshia mushinga mukole. Diba adi, batuangaji nebafile milambu yabu kudi Maweja-Nangila, mushindu udi mikenji yamba.

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Misambu 5:6

Kuena musue kumona bena kapeja. Udi ukina bonsu badi benzela bakuabu bibi.

Yirmeya 20:12

Wewe Maweja-Nangila wa bukole buonsu, udi mumanye muntu udi ukulamata. Udi ujingulula meji adi muntu nawu munda. Mvua muteke tshilumbu tshianyi mu bianza biebe. Nanku ndi musue kumona muudi unyoka bena lukuna banyi.