Mika 7:8 - MUKANDA WA MYIDI MUKULU

⁸ Nuenu baluishi betu, kanutuseki mu dikenga dietu. Nansha tuetu badishinde panshi, netujuke kulu! Nansha tuetu mu midima, Maweja-Nangila udi butoke buetu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Kusanki bua dikenga dianyi, wewe muena lukuna wanyi; binahona hanshi, nembike kabidi; nansha hanashikama mu midima, Yehowa neikale munya wanyi.

Mika 7:8 Referans Kwoze

Yowanane 8:12

Yezu kulongesha kabidi bantu, ubambila ne: — Meme ndi butoke bua badi pa buloba. Muntu udi undonda katshia kena wenda mu miidima, kadi neikale ne butoke bua muoyi.

Yeshaya 9:2

Maweja-Nangila, wewe kubasankisha bikole, kuvudija musangelu wabu! Badi basanka kumpala kuebe, mudi bantu batshionkomoka matuku a kunowa, mudibu babanyangana bivuabu bapawule mu mvita, beela mbila ya disanka.

Misambu 112:4

Munya udi utema mu miidima bua kutokeshila bantu bakane, Maweja-Nangila udi ne dinanga, udi ufuila bantu luse.

Misambu 27:1

Musambu wa mu mukanda wa misambu ya Davide. Maweja-Nangila udi bukole buanyi, kabidi mumpandishi wanyi, tshiena mua kuzakela muntu to. Maweja-Nangila udi undama, tshiena ntshina muntu.

Obadya 1:12

Nuenu bena Edome, kanuvua mua kusanka, pavua bana benu bena Yuda mu dikenga. Kanuvua mua kuseka, pavuabu bababutula. Kanutua mua kubapenda, pavuabu bapampakana.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

Misambu 38:16

Maweja-Nangila, ndi mutekemene kuudi, Maweja-Nangila, Mvidi Mukulu wanyi, wewe nkayebe neubandamune.

Didimanyisha 22:5

Butuku kabuakuikala kabidi to. Kabakukengela munya, nansha muendu. Bualu Maweja-Nangila Mvidi Mukulu neabakenkeshile butoke buende. Nebadie bumfumu kashidi.

Misambu 84:11

Bualu kusomba dituku dimue mu lubanza lua nzubu webe wa kutendelela, nkupite kusomba matuku tshinunu munga muaba. Mvidi Mukulu wanyi, kuimana kumbelu kua nzubu webe, nkupite kusomba mu ntenta ya bantu babi.

Yobe 31:29

Mvua ne disanka pavua muluishi wanyi mu dikenga, nansha pavua diakabi dimukuata anyi?

Misambu 97:11

Munya udi utema bua bantu bakane, bantu ba mioyi miakane, bobu badi ne disanka.

Yezekiyele 35:15

Nuvua nusanka panuvua numona muvuabu bakengesha bena Izrayele bantu banyi. Nanku nennuenzele penu mushindu awu. Nebanyange mikuna yenu ne ditunga dienu dijima. Nanku, bantu bonsu nebamanye ne: meme ndi Maweja-Nangila.”

Misambu 35:19

Baluishi bavua banshiminyina malu, kabasanki ne: “Tuamutshimunyi!” Badi bankina kapayi bualu, kabaleji musangelu kuisu.

Yowanane 16:20

Ndi nnujadikila ne: nenudile, nuele miyenga, kadi ba pa buloba nebasanke. Nenubungame. Kadi dibungama dienu nediandamuke disanka.

Mika 7:10

Pamona baluishi betu malu aa, bundu nebubakuate. Bualu bavua batukonka ne: “Maweja-Nangila Mvidi Mukulu wenu, tshidiye wenza ntshinyi?” Nebabadiate mu makasa, bu bitotshi bia mu njila, tuetu netubandile malu aa!

Yezekiyele 25:6

“Meme Maweja-Nangila Mvidi Mukulu ndi ngamba ne: nuvua batuta bikashi, batupika basanka, pavua dikenga dikuata bena Izrayele. Nuenu kuleja munuvua bapeje, balekele bantu banyi lukinu.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

Amosa 9:11

Maweja-Nangila udi wamba ne: “Tshimenga tshia Davide, tshidi bu nzubu mumane kupuka. Kadi dituku dikuabu, nengasulule tshimenga. Nengibakulule bitupa bia tshimana tshiatshi, bivuabu bashimbule mu mvita. Nendongolole nzubu yonsu bimpe, tshimenga tshipete lumu luatshi lua kale.

Matayi 4:16

Bantu badi basomba mu midima nebamone butooke bunene! Bantu badi basomba mu ditunga dia lufu mu midima, butooke nebubakenkele!”

Yirmeya 50:11

Eyowa, sankayi anu kusanka, nudiele kalumbandi! Nuenu bavua bakuate ditunga divua dianyi meme, nutupike mudi bana ba ngombe batupika mu bisosa. Nuele mikunda mudi nyama milume ya tubalu yela.

Yeshaya 49:9

Ndi ngambila bena lukanu, bantu badi basomba mu miidima ne: ‘Patukayi, numone butoke.’ Nanku nebikale bu mikoku, idi idia bisosa ku muelelu wa njila, idi ipeta tshiakudia tshiayi pa mikuna yonsu.

Yeshaya 2:5

Nuenu, ndelanganyi ya Yakobe, vuayi, tuende bonsu pamue, mu butoke bua Maweja-Nangila.

Misambu 37:24

Muntu awu, nansha yeye udishinda, kena ushala panshi, Maweja-Nangila udi umukuata ku tshianza, umujula.

Misambu 37:21

Muntu mubi udi usomba tshintu, kayi utshipingaja. Kadi muntu muakane udi ne luse, wambuluisha bakuabu.

Didimanyisha 21:23

Tshimenga katshiena tshikengela butoke bua diba, nansha bua ngondu, bualu butumbi bua Mvidi Mukulu budi butshitokesha; kabidi Muana wa mukoku ke muendu watshi.

Yeshaya 50:10

Padi muntu wa kunudi muitabe bumfumu bua Maweja-Nangila, ateleje muena mudimu wende. Padi muntu wa kunudi wenda mu miidima, kayi umona butoke, adifile kudi Maweja-Nangila, atekemene kudi Mvidi Mukulu wende.

2 Korente 4:9

Badi banduisha, kadi Mvidi Mukulu kena utulekela nansha. Badi batuela panshi, kadi tudi tulandapuka.

Misambu 20:8

Bamue badi batekemena ku matempu abu a mvita, bakuabu ku nyama yabu ya tubalu, kadi tuetu, Maweja-Nangila Mvidi Mukulu, ke bukole buetu!

Yirmeya 8:4

Uye kubambila ne: Maweja-Nangila udi ukonka ne: Padi muntu udishinda, katu ujuka anyi? Padi muntu mupambuke mu njila, kena upingana kabidi mu njila muimpe anyi?

Yirmeya 48:27

Bena Mowabe, mwuluke munuvua nuseka bena Izrayele, munuvua nukupa mutu, nubaseka bu bantu badibu bajikila biba bintu.

Yezekiyele 36:5

Meme Maweja-Nangila Mvidi Mukulu ndi ngamba ne: Tshiji tshidi tshingenza. Nanku ndi ntandisha bisamba bidi ku mutumba, nangananga bena Edome. Bantu aba bavua bakuata ditunga dianyi, biba biakudia bivua mu mpata. Bavua basanka kabayi ne luse.”

Mika 4:10

— Eyowa! Nudinyenge, bu mudi mukaji udi ukeba kulela. Nenupatuke mu tshimenga, nenusombe mu madimi, nenuye too ne mu Babilone. Amu muaba awu ke udibu banusungidila. Maweja-Nangila neanupandishemu kudi baluishi benu.

Zekâya 12:8

Pashishe Maweja-Nangila neambuluishe bena Yerushalayime: badi kabayi ne bukole munkatshi muabu, nebapete bukole bu bua Davide. Ndelanganyi ya Davide neikale bu Mvidi Mukulu wabu, bu mudi mutumibue wa Maweja-Nangila udi wenda kumpala kuabu.

Misambu 143:3

Muluishi wanyi udi unkengesha; udi munshinda panshi bua kundiata, udi umbueja mu miidima ya bafue, muvua bantu bamane kufua kale.