Mika 7:5 - MUKANDA WA MYIDI MUKULU

⁵ Kanuitabi bena mutumba benu, kanutekemenyi balunda benu. Nudimuke panudi nuakula, nansha ku mesu kua mukajenu, udi ununanga.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Kueyemenyi muena mutumba nʼebe, kueyemenyi mulunda webe munangibue; kubuludi mukana muebe kudi mukashi webe, udi weyemena mu tshiadi tshiebe.

Mika 7:5 Referans Kwoze

Yirmeya 9:4

Muntu yonsu udi udinga muntu nende. Kakuena muntu udi wamba malu malelela. Bantu bonsu mbamane kuibidila mua kudingangana. Mbenze bibi bitambe. Nanku, kabena ne mushindu wa kupingana kundi meme.”

Matayi 10:16

— Telejayi! Ndi nnutuma bu mikoku munkatshi mua nkashama. Nanku nuikale ne budimu bu bua nyoka, kabidi ne muoyi mulenga bu wa nyunyu wa nkudimba.

Misambu 41:9

“Wawa ukadi mikolu ku tshiina! Bua kumukaye pa bulalu, amu yeye mufue!”

Misambu 141:3

Maweja-Nangila, lama mukana muanyi, kuba mishiku yanyi.

Muadi 1:2

Yerushalayime udi udila utshisha butuku bujima, upuekesha binsonji pa matama. Ku bonsu bavua bamunanga, kamuena nansha umue utshidi umusamba. Balunda bende bonsu mbamubenge, bashale baluishi bende.

Balombodi 14:17

Mukaji wa Shimeshone uvua anu umutatshisha ne muadi matuku onsu muanda mutekete a tshibilu tshia dibaka. Dituku dia ndekelu, Shimeshone kumujinguluila muanu, bualu bikavua bimutonda. Ke mukaji kuambila bana babu dimujinguluila adi.

Misambu 38:14

Kadi meme ndi njibika matshi, tshiyi nteleja. Ndi ngenza bu kamama, tshiyi ngamba bualu.

Yirmeya 9:3

Nanku, muntu yonsu adimukile bantu bakuabu! Kanuena mua kutekemena nansha muanenu to. Bualu udi anu unudinga bu muvua Yakobe muenze. Balunda benu kabidi nebanujane.