Mika 6:5 - MUKANDA WA MYIDI MUKULU

⁵ Bantu banyi, nuvuluke mianda ya kale! Balake, mukalenga wa bena Mowabe, uvua muele meji a kunuenzela bibi. Nuvuluke bivuabu bamuandamune kudi Balaame, muana wa Beyore. Pashishe mvua muende nenu, biangatshile ku Shitime too ne ku Ngilgale. Nanku nuvua bamone malu mimpe, andi meme Maweja-Nangila munuenzele.”

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bantu banyi, vulukai bienu mpindiu bualu buakahangidisha Balaka, mukelenge wa Bena Moaba, bua kuenza; ne mei akamukudimunabo kudi Belâma, muana wa Beô; vulukai luendu lua ku Shitima tô ne ku Gilegala, bua nuenu nujingulule bienzedi biakane bia Yehowa.

Mika 6:5 Referans Kwoze

Dibadika 25:1

Bena Izrayele kusomba mu Shitime. Muaba awu kutuadijabu kuenda buendenda ne bakaji ba bena Mowabe.

Balombodi 5:11

Pabuipi ne miaba ivua bimuna binuina mayi, bonsu bavua babanya mayi, bavua batumbisha Maweja-Nangila, bua bilenga bidiye muenzele bamfumu ba bena Izrayele, tshikondu tshi wa bena Izrayele badilongolola ku mvita, bimane ku biibi bia tshimenga.

Yoshua 4:19

Bena Izrayele bavua basabuka musulu wa Yardene mu matuku dikumi a ngondu wa kumpala. Pashishe bakasa mitanda yabu ku Ngilgale, ku luseke ludi diba dipatukila lua Yeriko.

Didimanyisha 2:14

Kadi bualu bundi nkudiwila, mpadi bamue ba kunudi bitabe dilongesha dia Balaame. Balaame uvua ulongesha Balake, bua asake bena Izrayele ku dienza bibi. Ke muyuabu badie minyinyi ya nyama milambula nwidie, benza kabidi malu a bundu.

Yuda 1:11

Bantu abu mbena diakabi. mBabuele mu njila wa Kayine; mbapambuke mu njila, bu Balaame, bua lukuka lua biuma. mBabutuke, bualu bavua batomboka, bu muvua Kora muenze.

1 Yone 1:9

Kadi tuetu batondele Mvidi Mukulu mibi yetu, tudi mua kutekemena ne: Mvidi Mukulu neakumbaje bivuaye mulaye. Neatujimijile mibi yetu; neatupikule ku bubi buonsu.

2 Petro 2:15

Badi bantu bapambuke. mBumuke mu njila mululame bua kulonda njila mubi, uvuabu balonda kudi Balaame, muana wa Bozore, uvua munange makuta avuabu ne bua kumufuta bua malu ende mabi.

Misambu 143:11

Wewe Maweja-Nangila, umfululule. Wewe udi ulama malaya ebe, umpatule mu dikenga.

Dielulula 16:3

Matuku malondangane muanda mutekete mu didia dia tshibilu, kanuena mua kudia mampa mela buanga. Panudi nudia mampa kaayi mela buanga nanku, nenuvuluke dituku dinuvua bapatuke ne lubilu mu Ejipitu.

Dielulula 9:7

Nuvuluke ne: mu tshipela nuvua bafikishe Maweja-Nangila Mvidi Mukulu wenu munda. Kanupu bualu ebu muoyi diba nansha dimue! Katshia numuka mu Ejipitu too ne munudi bafike muaba ewu, nutshidi amu numutombokela.

Dielulula 8:18

Numanye ne: Maweja-Nangila Mvidi Mukulu wenu ke udi unuambuluisha, bua nupete diakalenga. Udi wenza nanku, bualu too ne lelu utshidi ulama ndondu wende, uvua-ye mutue ne bankambua benu.

Efeze 2:11

Kabavua banulele bena Yuda. Bena Yuda bavua banuamba ne: “ki mbabateke panshi.” Kadi bobu mene bavua babateka panshi amu mushindu udi bantu batekangana panshi. Nenku, vulukayi munuvua kale.

Dielulula 8:2

Nuvuluke luendu lule luvua Maweja-Nangila Mvidi Mukulu munuendeshe mu tshipela bidimu makumi anayi. Uvua munukengeshe bua kunuteta, bua ajadike meji adi munda muenu, ne mushindu unudi basue kukumbaja mikenji yende.

Dibadika 31:16

Nudi bamanye bimpe ne: bakaji ba bena Madiyane aba ke bavua bitabe meji a Balaame, bafikishe bena Izrayele ku ditombokela Maweja-Nangila, bua kutendelela anu mvidie wa ku Peyore. Ke pavua tshipupu tshibutule bantu ba Maweja-Nangila.

Dibadika 31:8

Kushipabu kabidi Balaame, muana wa Beyore, pamue ne bamfumu batanu ba bena Madiyane: Evi, Rekeme, Sure, Ure ne Reba.

Dibadika 23:27

Balake kuambila Balaame ne: — Ndi nya nebe kabidi muaba mukuabu. Misangu mikuabu, Mvidi Mukulu udi mua kuitaba, bua utshipe bena Izrayele muaba awu mu dina dianyi.

Dibadika 22:41

Butshia dinda, Balake kuya ne Balaame ku Bamote-Baale, bualu muaba awu uvua mua kudimuena tshitupa tshia bena Izrayele.

Misambu 111:4

Ndi musue bua bantu bavuluke malu ende a kukema. Maweja-Nangila udi ne dinanga, udi ufuila bantu luse,

Misambu 71:19

Mvidi Mukulu, buakane buebe budi butua mulu, butua panshi. Udi muenze malu a dikema! Mvidi Mukulu wanyi, kakuena udi mufuanangane nebe.

Misambu 36:10

Kuudi ndi mpetela bukole. Wewe udi diba didi ditumuenesha muoyi.

1 Samuele 12:7

Nanku mpindiewu, imanayi kumpala kua Maweja-Nangila. Meme ndi musue kunufunda kudiye. Diambedi, ndi musue kunuvuluija malu mimpe onsu adi Maweja-Nangila munuenzele nuenu ne bankambua benu.

Dibadika 33:49

Kuasabu mitanda yabu mu mpata ya Mowabe, pabuipi ne musulu wa Yardene, pankatshi pa Bete-Yeshimote ne Abele-Shitime.

Yoshua 2:1

Diba divua Yoshuwa, muana wa Nune, mu mitanda ya mu Shitime, kutumaye bantu babidi mu musokoku bua baye kutentekela mudi ditunga ne tshimenga bia Yeriko. Batentekedi babidi abu, bamane kufika mu Yeriko, kulalabu kua mukaji muena tshiendenda, dina diende Rakabe.

Yoshua 3:1

Yoshuwa ne bena Izrayele kumuka mu Shitime ne dinda dionsu. Kupuekelabu ku muelelu wa Yardene. Kuasabu mitanda yabu muaba awu, bindile mua kusabuka.

Balombodi 11:25

Udi wela meji ne: udi ne makanda mupite Balake, muana wa Sipore, mukalenga wa bena Mowabe anyi? Balake mene kavua mubunde bena Izrayele, nansha mubaluishe to.

Yeshaya 1:27

Tshimenga tshia Siyone netshishale ne bukole, amu padi bena Siyone banemekangana, bapingana kudi Maweja-Nangila, benzelangana bimpe.

Dibadika 25:2

Bakaji abu kuibidija bena Izrayele bua kulambuila mvidie ya mu ditunga diabu. Bena Izrayele kudia nabu minyinyi milambuila mvidie, kukukuila ne mvidie yabu mene.

Dielulula 23:6

Kadi Maweja-Nangila Mvidi Mukulu wenu kavua musue kuteleja Balaame nansha. Nanku bu mudiye mununange, mitshipu ya Balaame kuandamukayi diakalenga dienu kashidi tshiendelele.