Mika 6:4 - MUKANDA WA MYIDI MUKULU

⁴ Nudi nuntompuela, bualu mvua munupatule mu Ejipitu, munupikule mu bupika, munutumine Moshe, Arone ne Miriyame bua kunulombola anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bualu bua nakanuluhula mu buloba bua Ejipitu, nakanuhikula mu nsubu wa buhika; nakatuma Mose, Alona ne Miyama ku mpala kuenu.

Mika 6:4 Referans Kwoze

Dielulula 7:8

Kadi Maweja-Nangila mmununange. Mmunukumbajile bionsu bivuaye mulaye bankambua benu. Ke padiye munupatule ku bupika, mununyenge ku bianza bia mukalenga wa bena Ejipitu anu ku bukole buende.

Ekesode 12:51

Anu dituku adi. Maweja-Nangila kupatula bena Izrayele mu Ejipitu, balondangane mu bisamba biabu.

Amosa 2:10

Nkavua mudianjile kunupatula mu Ejipitu, meme kuenda nenu mu tshipela bidimu makumi anayi, meme kunuludika bimpe, kunufikisha mu ditunga dia bena Amore bua nudikuate.

Yirmeya 32:21

Udi muleje bukole buebe ne meji ebe, paudi muenze malu a dikema adi akuatshisha bowa, paudi mupatule bantu bebe bena Izrayele mu Ejipitu.

2 Samuele 7:23

Kakuena tshisamba tshikuabu pa buloba tshidi tshifuanangane ne tshia bena Izrayele. Wewe Maweja-Nangila uvua mufike bua kupikula amu bena Izrayele ku bupika bua bena Ejipitu, ne mu bianza bia mvidie yabu, bua bikale tshisamba tshiebe wewe. Nanku udi mupeteshe bena Izrayele lumu, bualu udi mubenzele malu a dikema, nansha adi akuatshisha bowa mu ditunga diebe.

Dibadika 12:1

Moshe uvua musele mukaji muena Kushe. Arone ne Miriyame kumujana bua mukaji awu.

Ekesode 20:2

— Meme ndi Maweja-Nangila, Mvidi Mukulu webe, uvua mukupatule mu ditunga dia Ejipitu, muvuabu bakukuate ku bupika.

Bienzedi 7:36

Moshe kupatula bena Izrayele mu Ejipitu, kuenza bishima ne malu a dikema mu ditunga dia bena Ejipitu, mu mayi manene Makunze, ne mu tshipela, bidimu makumi anayi.

Misambu 77:20

Mvidi Mukulu uvua mupande njila mu mayi manene, uvua wendela muinshi mua mayi manene muntu kavua mua kumona dikasa diebe.

Dielulula 24:18

Nuvuluke munu vua bapika mu Ejipitu. Maweja-Nangila Mvidi Mukulu wenu kunupatulamu. Ke pandi nnuambila ne: nukumbaje mikenji eyi.

Dielulula 15:15

Nuvuluke ne: nuvua bapika mu ditunga dia Ejipitu. Maweja-Nangila Mvidi Mukulu wenu kunupatula. Ke pandi nnupesha mukenji ewu mpindiewu.

Dielulula 9:26

Meme kulomba Maweja-Nangila ne: “Mvidi Mukulu Maweja-Nangila, kubutudi bantu badi bebe, baudi mupikule, mupatule mu Ejipitu ku bukole ne ku bumfumu buebe.

Dielulula 5:6

“Ndi Maweja-Nangila, Mvidi Mukulu wenu, udi munupatule ku bupika mu Ejipitu.

Dielulula 4:34

Kudi mvidie ukadi mupatule tshisamba tshia bantu bende mu bupika, muleje bumfumu buende, ne bukole buende, bu munuvua nuenu badimuene anyi? Kudi mvidie uvua mukengeshe bantu, mutshimune mvita, muenze bishima ne malu a kukema, muenze kabidi ne malu adi akuatshisha bantu bowa, bu muvua Maweja-Nangila Mvidi Mukulu wenu munuenzele mu Ejipitu anyi?

Ekesode 4:16

Arone neakule ne bantu, ubambila malu auvua ne bua kuamba wewe. Wewe newikale bu Mvidi Mukulu, udi umumanyisha tshidiye mua kuamba, yeye neikale muambi webe.

Dielulula 4:20

Kadi nuenu bena Izrayele, Maweja-Nangila mmunukebe, munupatule kabidi mu Ejipitu, munuvua munkatshi mua dikenga dikole, bua nuikale tshisamba tshiende yeye, bu munudi lelu.

Ekesode 3:10

Nanku ndi nkutuma kudi mukalenga wa bena Ejipitu, bua uye kupatula bantu banyi bena Izrayele badi mukalenga awu mukuate ku bupika.

Ekesode 4:10

Moshe kubenga, wambila Maweja-Nangila ne: — Maweja-Nangila, tshiena mua kuya to. Katshia bandela too ne mpindiewu patudi nebe apa, tshiena mumanye mua kuakula bimpe to. Ndi ntata bikole bua kuamba bualu.

Dibadika 33:1

Bena Izrayele bamane kupatuka mu Ejipitu, kulondabu Moshe ne Arone, benda bikisha miaba mishilangane.

1 Samuele 12:6

Samuwele kubambila kabidi ne: — Maweja-Nangila ke mujadiki wa bualu ebu. Yeye ke uvua musungula Moshe ne Arone bua kupatula bankambua benu mu Ejipitu.

Ekesode 6:27

Anu bobu aba ke bavua bambile mukalenga wa bena Ejipitu bua anyishe bena Izrayele bumuke bonsu mu ditunga diende.