Biblia Todo Logo
Bib sou entènèt

- Piblisite -




Mika 2:13 - MUKANDA WA MYIDI MUKULU

13 Mvidi Mukulu udi upanda njila. Neende kumpala kuenu. Mbamane kunupikula. Nudi nudipandila njila, nupatuka, nuya! Maweja-Nangila mukalenga wenu, ke udi unulombola.”

Gade chapit la Kopi

Mukanda wa Nzambi Dihungila Dikulukulu ne Dihungila Dihia-dihia 2003

13 Muhandi wa lumbu neadianjile ku mpala kuabo; nebabande lumbu ne nebahitshile mu nshila wa ku tshibi, nebahatukilemu. Mukelenge wabo neadianjile ku mpala kuabo, ne Yehowa neikale ku mutu kuabo.

Gade chapit la Kopi




Mika 2:13
36 Referans Kwoze  

Musangu ewu, kanuena ne bua kupatuka mu tshiputuku to. Kanuena ne bua kunyema ne bowa, bualu Maweja-Nangila ke udi wenda kumpala kuenu. Yeye Mvidi Mukulu wa bena Izrayele, neanulame kabidi luanyima.


Nebaluishe Muana wa mukoku. Kadi Muana wa mukoku neabatshimune, bualu udi Mfumu wa bamfumu ne Mukalenga wa bakalenga. Neabatshimune pamue ne bonsu badi bende, bamuitaba ne muoyi umue. Ke bavuaye mubikile, mudisunguile.


Bualu Muana wa mukoku udi munkatshi mua nkuasa wa butumbi neikale mulami wabu. Neabafikishe ku mpokolu idi ne mayi adi afila muoyi. Mvidi Mukulu neabakupule binsonji bionsu ku mesu.


Ke muaba uvua Yezu mubuele kumpala kuetu bua kutuleja njila. Udi mutuangaji munene bua kashidi mushindu wa Melkisedeke.


Nenkankamike bantu banyi, nebenze amu malu adi andengelela. Meme Maweja-Nangila, ndi ngamba nanku.”


“Mu matuku adi bakalenga aba mu bumfumu, Mvidi Mukulu wa mu diulu neajule bukalenga bukuabu budibu kabayi mua kubutula nansha musangu umue. Tshisamba tshikuabu katshiena mua kuangata bukalenga abu nansha. Bukalenga abu nebubutule makalenga onsu adi mabudianjidile. Nebuashidishe, kadi bobu nebujalame kashidi.


Meme kumuteka, bua ikale mukalenga wa bukua matunga. Ke nuwuaye ne bua kushindika bumfumu buanyi munkatshi mua bisamba.


Neutabeje bampofu. Neupatuishe bena lukanu mu nzubu wa lukanu, muaba udibu basomba, bindile mu miidima.”


Nanku, meme Maweja-Nangila, nempandishe bena Izrayele ku lufu anyi? Nembumushe muaba wa bafue anyi? Lufu, bukole buebe budi penyi? Lufu, leja bukole buudi ushipangana nabu. Meme tshiakubafuila luse to.


Pashishe, bena Izrayele nebapingane kudi Maweja-Nangila. Nebapingane kudi Mvidi Mukulu wabu, ne kudi mukalenga wabu wa ku ndelanganyi ya Davide. Matuku atshidi kumpala, bena Izrayele nebakebe Maweja-Nangila, nebamunemeke, nebatekemene bintu amu kudiye.


Maweja-Nangila udi wamba ne: Udi unusamba ke meme! Amu meme nkayanyi! Bantu banyi, munudi nutshina muntu mmunyi? Muntu yonsu udi unenga katupa kipi bu bisosa, ufua.


Maweja-Nangila udi wamba ne: “Nuenu ndelanganyi ya Yakobe, nennusangishe bonsu. Nuenu badi bashale ne muoyi mu Izrayele, nennukunguje. Nennusangishe muaba umue, bu mikoku mu lupangu luayi, bu tshisumbu tshia nyama mu mpata. Nennuenze tshisumbu tshimue tshia bantu bavule.


Nuenu bamfumu ba ndelanganyi ya Yakobe, nuenu bakoshi ba nsambu ba bena Izrayele, ndi nnukonka ne: “Mudimu wenu kawena wa kukosa nsambu pa yoyi anyi?


Mutumibue wa Mvidi Mukulu kuya kuimana kunyima kua mitanda ya bena Izrayele. Divuba kabidi, divua kumpala kuabu, kupingana kunyima kuabu.


Butshia, Yoshuwa kuambila batuangaji bua bambule mushete wa ndondu, bapita kumpala kua bena Izrayele. Batuangaji kuenza nanku.


Diba adi, bena Yuda ne bena Izrayele nebumvuangane. Nebasungule mukalenga wabu umuepele. Nebavulangane, basombe mu ditunga dijima. Eyowa, dituku adi nedikale dituku dinene dia Yizreyele


Nensangishe badi batapike, tshisamba tshifululuke. Nengangate badi mu bupika, bashale tshisamba tshinene. Meme Maweja-Nangila, nengikale ku mutu kuabu, biangatshile ku Siyone, ku dituku adi too ne tshiendelele.


Swiv nou:

Piblisite


Piblisite